Астана (Қазақстан), 2023 ж. 27 қыркүейек - Plenitude (Eni) компаниясы бүгін Түркістан облысының әкімі Дархан Сатыбалдының және Италияның Қазақстан Республикасындағы елшісі Марко Альбертидің қатысуымен, Түркістан облысы, Шәуілдір кентінің маңында орналасқан, Қазақстан Республикасының аумағындағы өзінің алғашқы күн электр станциясының салтанатты ашылу рәсімін өткізді.

Орнатылған қуаты 50 МВт құрайтын электр станциясы Plenitude-тің халықаралық портфелін, сонымен қатар компанияның еншілес кәсіпорны «Arm Wind» ЖШС арқылы Қазақстанның жаңартылатын энергия көздері секторында қатысу үлесін одан әрі кеңейтеді.

Стефано Гоберти, Plenitude-тің бас атқарушы директоры, «Шәуілдір күн электр станциясының құрылы- сы - Plenitude-тің Қазақстандағы күн энергетикасы секторындағы алғашқы маңызды қадамы. Электр станциясы өңірге осы саладағы ең озық технологияларды ұсына отырып, Түркістан облысының дамуына ықпал етеді. Бұрын іске асырылған екі жобаны (компания 2020 және 2022 жылдары пайдалануға берген Бадамша-1 және Бадамша-2 жел электр станциялары) толықтыратын осы жоба Қазақстанның қазіргі энергетикалық ауысу процесіне және көміртектік бейтараптық мақсаттарына қол жеткізуге септігін тигізеді», деп атап өтті.

100 гектар аумақты алып жатқан кун электр станциясында жылына 90 ГВтсағ электр энергиясы өндіріледі. Станса 93 000-нан астам күн панелі мен қосалқы электр станциясын қамтиды. Бұл тораптар ұзындығы 7,5 км электр тасымалдау әуе желісі арқылы жергілікті желіге біріктіріледі.

Plenitude - Eni-ге тиесілі және пайда мен әлеуметтік-экологиялық мақсаттар арасындағы теңгерімді сақтауға ұмтылатын («қоғамға пайдалы корпорация»), жаңартылатын энергия көздерінен энергия өндіруді, энергетикалық қызметтерді сатуды және электромобильдерді зарядтау стансаларының кең желісін біріктіретін компания. Компанияның жаңартылатын энергия көздері нысандарының орнатылған қуаты 2,5 ГВт және оның мақсаты - 2026 жылға қарай 7 ГВт-тан және 2030 жылға қарай 15 ГВт-тан асатын орнатылған қуатқа жету. Plenitude Қазақстанда өзінің еншілес компаниясы, жиынтық операциялық қуаты шамамен 150 МВт құрайтын «Arm Wind» ЖШС арқылы жаңартылатын энергия көздері секторында жұмыс атқарады.