Qazaq Green Директорлар кеңесінің төрағасы 23-24 ақпанда Италияның Рим қаласында өткен Еуропалық Одақ – Орталық Азия жоғары деңгейдегі 7-ші конференциясына қатысты.

Орталық Азия елдерінің, Еуропалық одақтың және ЕО-ға мүше мемлекеттердің қоршаған орта, климаттың өзгеруі және су ресурстары саясатына жауапты үкіметтерінің, халықаралық, аймақтық және үкіметтік емес ұйымдардың өкілдері осы жылдың 23-24 ақпанында Римде өткен ЕО–Орталық Азия жоғары деңгейдегі 7-ші конференциясында кездесті. Конференция ЕО мен Орталық Азияның қоршаған орта және су ресурстары жөніндегі ынтымақтастық платформасы аясында ұйымдастырылып, Италияның Сыртқы істер министрлігінде өтті.

Конференцияның негізгі үш мақсаты жарияланды:

- 2019 жылғы қаңтардан бастап ЕО – ОА экологиялық және су ынтымақтастығы платформасы мен оның Қоршаған орта және климаттың өзгеруі жөніндегі жұмыс тобы (WGECC) қызметінің нәтижелерін ұсыну;

- ЕО – ОА платформасы үшін 2023-2025 жылдарға арналған басым бағыттарды айқындау;

- саяси диалогты жандандыру және Орталық Азиядағы қоршаған орта, климаттың өзгеруі және су ресурстары саласындағы әлеуетті дамыту үшін практикалық қадамдарды талқылау және келісу.

Нұрлан Қапенов «ҮЕҰ/Азаматтық қоғам ұйымдарының өкілдері: Азаматтық қоғамның пікірі» сессиясында «Қазақстанда ЖЭК дамуы: жетістіктер, проблемалар мен әлеует» тақырыбында баяндама жасады. Сессияға Қырғызстан, Түрікменстан, Тәжікстан және Өзбекстан өкілдері де қатысты. Сессиядағы негізгі пікірталас Орталық Азия өңірі үшін «жасыл» ауысуды жеделдету және азаматтық қоғам тұрғысынан тұрақты даму мақсаттарына қол жеткізу жөніндегі басты сын-қатерлер мен мүмкіндіктерді талқылауға арналды.

Конференция WECOOP «Еуропалық Одақ – Орталық Азия: су ресурстары, қоршаған орта және климаттың өзгеруі жөніндегі ынтымақтастық (WECOOP)» жобасы аясында ұйымдастырылды, оны Еуропалық одақ 2019 жылдың қазан айында қайта бастады. Жоба Орталық Азия елдері арасындағы тұрақты даму жөніндегі диалогты нығайтуды жалғастыруда және олардың ЕО-мен қоршаған ортаны қорғау және климаттың өзгеруі саласындағы ынтымақтастығын кеңейтуге жәрдемдеседі. Атап айтқанда, жоба шеңберіндегі қызмет саяси стратегияларды жетілдіруге және ұтымды етуге, сондай-ақ тиісті салаларда жұмыс істейтін ұлттық министрліктер мен мемлекеттік ведомстволардың әлеуетін нығайтуға бағытталған.

WECOOP жобасы ЕО стандарттарына жақындату арқылы Орталық Азиядағы қоршаған орта, климаттың өзгеруі және су ресурстары саласындағы саясатты жақсартуға, сондай-ақ көмірқышқыл газы шығарындыларын қоса алғанда, адам әрекетінен туындаған ластануды айтарлықтай азайтуға қол жеткізу мақсатында экономиканың тиісті секторларына «жасыл» инвестицияларды ынталандыруға бағытталған.

Жобалық қызметке ЕО – қоршаған орта және су ресурстары саласындағы ынтымақтастық жөніндегі Орталық Азия платформасын (платформа) және ЕО – қоршаған орта және климаттың өзгеруі жөніндегі Орталық Азия жұмыс тобын (РГЭИК) қолдау кіреді. Соңғыларына Еуропалық комиссияның қоршаған орта және климат жөніндегі Бас директоратының өкілдері кіреді.

Жобаның күтілетін нәтижелері:

- өнеркәсіпте және азаматтық қоғамда шешім қабылдаушылар арасында экологиялық хабардарлықты арттыру;

- Орталық Азиядағы, оның ішінде су ресурстары мен климаттың өзгеруі жөніндегі экологиялық саясатты жақсарту;

- антропогендік ластануды өлшенетін қысқартуға ықпал ететін экологиялық қауіпсіз инфрақұрылымға инвестициялар мүмкіндіктерін анықтау, әзірлеу және халықаралық қаржы институттарының қарауына ұсыну.