QAZAQ GREEN. Қырғызстанда бірден алты күн электр станциясын салу жоспарлануда, олардың көпшілігін шетелдік компаниялар іске асыратын болады, деп хабарлайды Economist.kg  осы елдің энергетика министрлігіне сілтеме жасай отырып.

Осылайша, «Бішкек Солар» компаниясы үшін Ыстықкөл ауданы Тору-Айгыр ауылындағы қуаты 300 МВт болатын күн электр станциясын «Техногруппсервис» қазақстандық инжиниринг компаниясы салады.

Қазіргі уақытта Ресей-Қырғыз даму қоры (РҚДҚ) және шетелдік ұйымдар, оның ішінде Еуразиялық даму банкі (ЕАДБ), «Газпромбанк» және «Юнигрин Энерджи» инвестициялау мәселесін пысықтауда. Құрылыстың басталуы 2023 жылдың наурызына жоспарланған.

Қытайдың Power Construction Corporation of China компаниясы бірден төрт ЖЭК нысанын салуды жоспарлап отыр:

·        Нарын облысында қуаты 100 МВт болатын «Мин Булак» күн электр станциясы. Күн ресурстары мен жер учаскесін зерттеу аяқталды, ТЭН туралы есеп дайындалуда;

·        Ыстықкөл облысының Тон ауданында қуаты 150 МВт болатын жел электр станциясы. Жел өлшеу мұнарасын салу және орнату аяқталды. Жел өлшеу деректерін жинау және талдау мен ТЭН 2023 жылы аяқталады;

·        Шу облысында Кемин ауданында қуаты 300 МВт болатын күн электр станциясы. Жергілікті билік органдарымен құрылыс алаңын анықтау бойынша келіссөздер жүргізілуде;

·        Ыстықкөл облысының Тон ауданында қуаты 500 МВт болатын күн электр станциясы. ТЭН дайындау аяқталды. Құрылыстың басталуы 2023 жылы жоспарланған.

Сондай-ақ, «Таза Энерджи» Ұлттық энергохолдингінің еншілес компаниясы қазақстандық TGS-Energy инвестициялық компаниясымен бірге Ыстықкөл облысының Тору-Айгыр ауылында қуаты 50 МВт болатын күн электр станциясын салу үшін «Кун Булагы»  бірлескен кәсіпорнын құрғаны хабарланды.

Жобаны іске асыру үшін $7 млн көлемінде меншікті қаражат бөлінетін болады. ЕАДБ 12 жыл мерзімге $28 млн көлемінде қарыз қаражатын беруді жоспарлап отыр. Қазіргі уақытта жер учаскесін беру мәселесі пысықталуда.

Ыстықкөл облысында қуаты 1000 МВт болатын тағы бір фотоэлектрлік станцияны қытайлық China Power International Development Limited компаниясы салады. Қазіргі уақытта ТЭН әзірлеу аяқталды.