QAZAQ GREEN. Фотоэлектрлік тамшылатып суару жүйесі Ташкент облысының Аққорған ауданында жұмысын бастады, деп хабарлайды Spot.uz.

Ұңғымадан суды 180 м тереңдікте айдауға арналған сорғы жалпы қуаты 7,5 кВт*сағ күн фотопанельдері шығаратын электр энергиясымен жұмыс істейді. Бастама EU-AGRIN жобасы шеңберінде БҰҰ Даму бағдарламасымен және Еуроодақпен бірлесіп іске асырылды.

Қондырғы жалпы ауданы 3 гектардан асатын қосалқы шаруашылықтары бар 20-дан астам үй шаруашылығына қызмет көрсете алады. Бұл ретте стандартты тамшылатып суарумен салыстырғанда суды үнемдеу 60%-ға жетеді. Қазіргі уақытта сорғы 10 үй шаруашылығына тиесілі 0,8 га аумақты сумен қамтамасыз етеді. Алынған электр энергиясының артық мөлшері мемлекетке сатылады, ал одан түскен қаражат ұңғымаға қызмет көрсетуге және жүйені басқаруға жұмсалады.

ЕО-ның Өзбекстандағы өкілдігінің ынтымақтастық бөлімінің басшысы Вим Риэпман жобаның ауыл шаруашылығын тұрақты дамытудағы рөлін атап өтті. Баламалы энергия көздері азық-түлік қауіпсіздігін қамтамасыз етуге және фермерлердің табысын арттыруға мүмкіндік береді, деп атап өтті ол.

Бұған қоса, «Тошкент вилояти сув таъминоти» кәсіпорны әр түрлі аудандарда гидроқұрылыстарға күн панельдерін орнатады. Жыл соңына дейін 3933 фотопанелін орнату жоспарлануда.