QAZAQ GREEN. ҚР Министрлер Кабинетінің баспасөз қызметіне сілтеме жасай отырып,  24.kg Қырғызстанда жасыл таксономия бекітілді деп хабарлайды.

Оның деректері бойынша, бұл елдегі экологиялық таза деп санауға болатын технологиялар, тауарлар мен қызметтердің бірінші тізімі.

«Таксономия жасыл экономикаға көбірек инвестициялар тартуға, экологиялық таза жобаларды қолдауға, осы саладағы мемлекеттік реттеуді жеңілдетуге және халықаралық тұрақты қаржы нарығындағы республиканың ұстанымын нығайтуға көмектеседі», - делінген хабарламада.

Қырғызстанның министрлер кабинеті Экономика министрлігіне Салық және кеден қызметтерімен бірлесіп, «жасыл» тауарлар мен қызметтердің ашық деректер базасын және бизнес пен мемлекеттік органдарға арналған арнайы анықтамалықтар мен нұсқауларды құруды тапсырды. Көміртегі шығарындыларының оңайлатылған есебі енгізіліп, сондай ақ жобаның таксономия талаптарына сәйкестігін растайтын құжат әзірленетін болады. Тиісті департаменттер жаңа стандарттарға сәйкес статистикалық жіктеуіштерді жаңартады.

Құжат ресми жарияланғаннан кейін 10 күн өткен соң күшіне енеді және пилоттық режимде 2028 жылдың маусым айының соңына дейін жұмыс істейді.