Орталық Азия жаңалықтары23.05.2022
ЕО ОА жас кәсіпкерлеріне «жасыл» бизнесті дамытуда қолдау көрсетуді жалғастыруда
Орталық Азиядан (ОА) 40-тан астам жас кәсіпкер 2022 жылғы «Eco-Talk» халықаралық жасыл бизнес мектебі шеңберінде екі айлық қарқынды онлайн-оқытуға қатысу үшін іріктелді, деп хабарлайды Qazaq Green WECOOP жобасының баспасөз қызметіне сілтеме жасап.
2022 жылғы «Eco-Talk» халықаралық жасыл бизнес мектебі (бұдан әрі – мектеп) жас адамдарды экологиялық тұрақты бизнес-жобаларды әзірлеуге ынталандыру және жасыл бизнес пен стартаптар үшін инновациялық идеяларды генерациялауды ынталандыру үшін Қазақстан-Неміс университетінің (ҚНУ) базасында құрылды. Еуропалық Одақтың (ЕО) «Еуропалық Одақ – Орталық Азия: су ресурстары, қоршаған орта және климаттың өзгеруі саласындағы ынтымақтастық» (WECOOP) жобасы мектепке қатарынан 3 жыл бойы қолдау көрсетіп келеді, ЕО елдерінде жасыл бизнесті дамыту саласында жинақталған тәжірибе мен біліммен бөліседі.
Еуропалық жасыл бағытқа сәйкес, ЕО жабық циклді экономикаға көшуге, атап айтқанда, жеке сектормен өзара әрекеттесуге ерекше назар аудара отырып, қоршаған ортаны қорғау мәселелерін экономиканың барлық салаларына енгізуді басымдық деп санайды. ЕО-ға мүше мемлекеттер жабық циклді экономикалық мақсаттарға қол жеткізуде айтарлықтай нәтижелер көрсетіп, кәсіпорындар мен тұтынушыларға минималды қалдықтармен және максималды экономикалық тиімділікпен тұрақты өндіріс пен тұтынуға көшуге көмектеседі. Жастар арасында әлеуметтік және экологиялық кәсіпкерлікті дамытуға жәрдемдесу экологиялық мақсаттарға қол жеткізудің неғұрлым тиімді тәсілдерінің бірі болып табылады, өйткені жас ұрпақ экологиялық маңызы бар инновациялық идеялардың барынша көп санын бастамалайды. Осылайша, жеке бизнеспен айналысуға ынталандыра отырып, мектеп жастарға жұмыспен қамту және экономикалық тәуелсіздік деңгейін арттыруға мүмкіндік беруде маңызды рөл атқарады.
Биыл мектеп Қазақстан, Қырғызстан, Тәжікстан, Түркіменстан және Өзбекстаннан келген жеке кәсіпкерлер мен командалардан 81 өтінім алды. Оқытуға тұйық циклді экономика, қалдықтармен жұмыс істеу, орнықты сән, су үнемдеу, қалаларды тұрақты дамыту және жаңартылатын энергия көздері саласындағы неғұрлым перспективалы 28 жобаны ұсынатын ізденушілер қабылданды. Оқытуды еуропалық және өңірлік сарапшылар жүргізеді және тұйық цикл экономикасының, тұрақты тұтыну мен өндірістің, жобаларды басқарудың, бюджеттеудің, инвестициялар тартудың, маркетингтің және коммуникацияның негіздерін қамтиды.
Оқуды сәтті аяқтағаннан кейін жобалары мектептің қазылар алқасы іріктейтін қатысушылар конкурстың финалдық турына қатысу үшін Қазақстанның Алматы қаласына шақырылады. Содан кейін жеңімпаздар 2022 жылдың күзінде Еуропаға бір апталық оқу сапарына қатысуға шақырылады. ЕО WECOOP жобасы арқылы оқу сапарына қатысушыларға қаржылық және материалдық-техникалық қолдау көрсетеді.
Еуропалық Одақ – Орталық Азия: су ресурстары, қоршаған орта және климаттың өзгеруі саласындағы ынтымақтастық» (WECOOP) жобасы (2019 жылғы қазаннан бастап 2023 жылғы сәуірге дейін үшінші фаза) ЕО стандарттарына жақындасу арқылы Орталық Азиядағы қоршаған орта, климаттың өзгеруі және су ресурстары саласындағы саясатты жақсартуға бағытталған. сондай-ақ, көмірқышқыл газының шығарындыларын (CO2) қоса алғанда, адам іс-әрекетінен туындаған ластануды айтарлықтай азайтуға қол жеткізу мақсатында экономиканың тиісті секторларына «жасыл» инвестицияларды ынталандыруға бағытталады. Жобаның қызметі ЕО–ОА қоршаған ортаны және су ресурстарын қорғау саласындағы ынтымақтастық платформасын және оның қоршаған орта мен климаттың өзгеруі жөніндегі жұмыс тобын, сондай-ақ климатты қорғаудағы іс-қимылдарды ілгерілету үшін ЕО-ның Орталық Азиядағы жасыл бағытын халықаралық өлшеуді қолдауды қамтиды.
Apple жаңартылатын энергия көздері мен су ресурстарының тұрақтылығына күш салуда
Еуропада екі мемлекет жел генераторларының қуатын арттырудың арқасында 100% жаңартылатын энергиямен қамтамасыз етілді
IRENA есебі: ЖЭК-ке көшу энергия қауіпсіздігіне жаңа көзқарасты қажет етеді
CATL өнеркәсіптік батареяны, Megapack Tesla баламасын ұсынды
Бакуде жел электр станциясы салынады
Қазақстан мен Оңтүстік Корея Түркістанда бу-газ қондырғысын салуға ниетті
Астанада ҚР – ЕО Энергетика, көлік, қоршаған орта және климаттық өзгерістер жөніндегі кіші комитетінің 7-ші отырысы өтті
Алмасадам Сәтқалиев: Қазақстан метан шығарындыларын азайту бойынша жұмысты күшейтуге ниетті
Дубайда күн батареясымен жүретін көлік іске қосылуы мүмкін
IRENA: Жел электр станцияларын енгізу құны үштен бірінен астамға төмендеді
Абу-Дабиде министрлер мен энергетика көшбасшылары ЖЭК болашағын талқылайды
Венгрия жылуды біртіндеп геотермалдық энергияға ауыстыруда
Еуропалық комиссия ғимараттардың энергетикалық тиімділігі туралы заң қабылдады
Финляндияда үлкен жерасты үңгірлері жыл бойына бүкіл қаланы жылыта алады
Техаста СО2 мен судан отынның өнеркәсіптік өндірісі басталды
ЕО жасыл ауысу үшін энергетикалық инфрақұрылымға €600 млрд инвестициялауы тиіс
Ғарыштық күн энергиясы: SpaceX және General Motors бұрынғы инженерлері энергетика болашағын өзгертуде
АҚШ таза энергияны пайдалануға рұқсат беру бойынша өз мақсатынан асып түсті
Қызылордада эко-фазендаға 105 кВт күн станциясы орнатылды
АҚШ-та сыртқы кванттық тиімділігі 190% күн панельдеріне арналған материал әзірледі