QAZAQ GREEN. Жаңартылатын энергетика бойынша екі күндік іс-шара Бурабайда өтуде. Фестиваль тақырыбы - «Қазақстанның энергетикалық қауіпсіздігі: төмен көміртекті көшу».

Фестиваль қатысушылары энергетикалық қауіпсіздікті қамтамасыз етуді, жаңартылатын энергетика саласындағы мемлекеттік саясатты, электр энергетикасын дамытудың стратегиялық пайымын, жаңартылатын энергетика жобаларын қолжетімді қаржыландыруды, ESG-саясатының гендерлік және корпоративтік аспектілерін, көміртегі нарықтарын дамытуды қоса алғанда, Қазақстан Республикасындағы энергетикалық көшу мәселелерін талқылайды.

Бизнес өкілдері жаңартылатын энергетика саласындағы жобаларды іске асыру кезінде кездесетін проблемалар мен қиындықтарымен бөліседі, сондай-ақ халықаралық тәжірибе алмасу қарастырылған.

Іс-шара ҚР Энергетика министрлігінің, ҚР Экология және табиғи ресурстар министрлігінің және Ақмола облысы әкімдігінің қолдауымен ұйымдастырылды. Фестивальдің панельдік сессияларында келесі тақырыптар қамтылған:  

• Қазақстанның энергетикалық қауіпсіздігін қамтамасыз ету мәселелері;
• Қазақстанның электр энергетикасын дамытудың стратегиялық пайымы; 
• Корпоративтік деңгейде көміртегі ізін азайту;
• Шағын ауқымды жаңартылатын энергия көздерін дамыту;
• Көміртегі нарықтары: халықаралық тәжірибе және Қазақстандағы даму перспективалары;
• Қазақстанда жаңартылатын энергетиканы одан әрі дамыту жолдары: жоспарлар, проблемалар және перспективалар;
• Жаңартылатын энергетика үшін қолжетімді қаржыландыру құралдарын енгізу перспективалары;
• Энергияны сақтау жүйелерін енгізу;
• ЖЭК-ке отандық инвестицияларды дамыту;
• ESG саясаты: гендерлік аспектілер және корпоративтік басқару және т. б.

Талқылаудың нәтижесі Қазақстанда ЖЭК-ті одан әрі дамыту бойынша жаңартылатын энергетика саласының іскерлік қоғамдастығынан ҚР Үкіметіне үндеу - Хартия болады деп күтілуде.

Іс-шараның бас серіктесі - Huawei компаниясы және оның сертификатталған серіктесі Photomate компаниясы.

Qazaq Green Fest демеушілері: Arm Wind, TotalEnergies, LONGi, Sany Renewable Energy, Jusan bank, полиметалл Еуразия, Жаңатас ЖЭС, Jinko Solar, Allur, Bureau Veritas, Unicase Law Firm, Unigreen, Alageum Electric, Profland, АДС Сапа. 

Фестивальді сонымен қатар Қазақстандағы БҰҰ Даму бағдарламасы, Еуразиялық Даму Банкі, KAZENERGY қауымдастығы қолдады.