QAZAQ GREEN. Бурабайдағы Qazaq Green Fest «жасыл» энергия бойынша II Халықаралық іскерлік фестивалі кезінде алғашқы ерікті көміртегі сертификаты – Qazaq Green Certificate іске қосылғаны туралы хабарланды.

Бұл сертификатты «Qazaq Green» ЖЭК қауымдастығы «Каспий тауар биржасы»АҚ-мен бірлесіп әзірледі.

«Бұл құралдың негізгі міндеті - барлық ниет білдірген компанияларға корпоративтік деңгейде көміртегі ізінің төмендеуін растау мүмкіндігін беру», - деп түсіндірді Qazaq Green ЖЭК қауымдастығында.

Естеріңізге сала кетейік, фестивальдің тақырыбы «Қазақстанның энергетикалық қауіпсіздігі: төмен көміртекті көшу» болып табылады. Іс-шараға Қазақстан, АҚШ, Ұлыбритания, Италия, Франция, Германия, Қытай, Жапония, Өзбекстан, Ресейден 300-ден астам адам, оның ішінде  «ҚазМұнайГаз» ҰК» АҚ, Visor Holding, ENI, Shell, KPO, NCOC, Air Liquide, Toyota Tsusho, Chevron, Tengizchevroil, Sany, Longi, Huawei және т. б. тәрізді компаниялардың өкілдері қатысады. 

«Qazaq Green Fest - жаңартылатын энергетиканы дамыту мәселелерін талқылау бойынша еліміздегі басты алаң. Біз ЖЭК-тің дамуы оны қажет ететін электр энергетикасы саласын трансформациялаудың драйверіне айналды деп санаймыз. Бүгінгі таңда ЖЭК секторының алдында маңызды міндеттер тұр - жаңа өндіруші қуаттарды енгізу есебінен елдің энергетикалық қауіпсіздігін қамтамасыз ету, халық пен кәсіпкерліктің шағын ауқымды ЖЭК-ін дамыту, екіжақты келісімшарттар сегментін дамыту, энергия жинақтау жүйелерін пайдалану. Сондықтан біз ЖЭК көміртегі бейтараптығына қол жеткізудің ең тиімді құралы деп санаймыз», - деді «Qazaq Green» ЖЭК қауымдастығының Директорлар кеңесінің төрағасы Нұрлан Қапенов. 

Талқылаудың нәтижесі Қазақстанда ЖЭК-ті одан әрі дамыту бойынша жаңартылатын энергетика саласының іскерлік қоғамдастығынан ҚР Үкіметіне үндеу - Хартия болады деп күтілуде.

Іс-шараның бас серіктесі - Huawei компаниясы және оның сертификатталған серіктесі Photomate компаниясы. Qazaq Green Fest демеушілері: Arm Wind, TotalEnergies, LONGi, Sany Renewable Energy, Jusan bank, Полиметалл Еуразия, Жаңатас ЖЭС, Jinko Solar, Allur, Bureau Veritas, Unicase Law Firm, Unigreen, Alageum Electric, Profland, АДС Сапа.

Фестивальді сонымен қатар Қазақстандағы БҰҰ Даму бағдарламасы, Еуразиялық Даму Банкі, KAZENERGY қауымдастығы қолдады.