QAZAQ GREEN. Қазақстан Президенті Қасым-Жомарт Тоқаев пен Әбу-Даби тақ мұрагері шейх Халид бин Млхаммед бин Зайд Аль Нахайян  Abu Dhabi Future Energy Company PJSC – Masdar және «Самұрық-Қазына» АҚ арасында Қазақстандажаңартылатын энергия көздерін және энергияны сақтау жүйелерін (BESS) дамытуға бағытталған ынтымақтастық туралы келісімге қол қойылғанына куә болды, деп хабарлады  Masdar сайты.

Келісім Астанадағы Ақордада өткен салтанатта ресми түрде рәсімделді. БАӘ Индустрия және озық технологиялар министрі, Masdar төрағасы доктор Султан Ахмед Аль Джабер және «Самұрық-Қазына» АҚ Басқарма төрағасы Нұрлан Жақыпов қол қойылған құжаттармен алмасты.

Келісімнің аясында тараптар қуаттылығы 500 мегаватқа (МВт) дейін жаңартылатын көздерден тәулік бойы өндірілетін жобаны, сондай-ақ қуаты 2 гигаватқа (ГВт) дейінгі энергия сақтау жүйелері бар жобаларды әзірлеуді жоспарлап отыр. Қазіргі уақытта Masdar Қазақстанның Жамбыл облысында 600 мегаватт-сағат (МВт/сағ) жинақтағышы  бар 1 ГВт жел электр станциясын іске асыруда бұл өңірдегі ең ірі жел жобаларының бірі.

Іс-шара барысында Қазақстан мен БАӘ үкіметтері арасындағы 1 ГВт жобаны іске асыру туралы келісімді ратификациялау туралы да жарияланды, бұл оның іс жүзінде іске қосылуы жолындағы маңызды қадам болды. Құрылыс 2026 жылы COP28 және COP29-да  инвестициялық және электр қуатын сатып алу туралы келісімдерге қол қойылғаннан кейін басталады деп жоспарлануда.

«Самұрық-Қазына» ҰӘҚ» АҚ бас директоры Нұрлан Жақыпов серіктестік Қазақстанның 2060 жылға қарай көміртегі бейтараптығына қол жеткізу мақсатына сәйкес келетінін атап өтсе, доктор Аль Джабер энергетикалық қауіпсіздікті нығайту және экономиканы әртараптандыру үшін таза энергия тәжірибесін пайдаланудың маңыздылығын атап өтті.

Masdar бас директоры Мохаммед Джамиль Аль Рамахи Қазақстанның компания үшін стратегиялық маңыздылығын атап өтіп, «Самұрық-Қазына» қорымен ынтымақтастықтың нығая түскенін растады.

Қазақстан энергия балансындағы жаңартылатын көздердің үлесін 2030 жылға қарай 15%-ға және 2050 жылға қарай 50%-ға жеткізуді мақсат етіп отыр. 2030 жылға қарай 100 ГВт жаһандық портфельге қол жеткізуді жоспарлап отырған Masdar Орталық Азияда, соның ішінде Өзбекстан мен Әзірбайжанда жобаларды белсенді түрде дамытуда.

Осы жылдың басында Masdar Абу-Дабиде күн өндірумен және энергия жинаумен әлемдегі  тұңғыш тәулік бойы жұмыс істейтін гигаауқымды жоба - күніне 1 ГВТ базалық қуатты қамтамасыз етуге қабілетті  қуаты 5,2 ГВт   күн  электр станциясын және 19 ГВт энергия жинақтағышты ұсынған болатын.