Екі күндік семинар барысында 50-ден астам қатысушы, оның ішінде Орталық Азия (ОА) сарапшылары, Еуропалық Одақ (ЕО) және халықаралық қаржы мекемелерінің (ХҚМ) өкілдері жаңартылатын энергия көздері және «жасыл» инвестициялар саласындағы жобаларды іске асыруды талқылады, деп хабарлайды Qazaq Green WECOOP жобасының баспасөз қызметіне сілтеме жасап.

ОА өңірінде жел мен күн энергиясын ұстап қалу бойынша әлемдік табиғи қуаттардың 5%-ға жуығы бар, бұл жаңартылатын энергия секторын дамыту үшін кең мүмкіндіктерді қамтамасыз етеді. Алайда, гидроэнергетиканы қоспағанда, әсіресе Қырғызстан мен Тәжікстанда жаңартылатын энергия көздерінің (ЖЭК) үлесі ОА-ның барлық елдерінде ұлттық энергия теңгерімдерінде өте аз. ЖЭК бойынша өңірдің елеулі әлеуеті көптеген қаржылық, техникалық және әлеуметтік кедергілерге байланысты жеткіліксіз пайдаланылады.

Семинар күн және жел энергиясын өндіруге бағытталған шағын және орта жобаларды жүзеге асыруда ЕО, оған мүше мемлекеттер мен ХҚМ тәжірибесімен алмасу мақсатында ЕО-ның «Еуропалық Одақ – Орталық Азия: су ресурстары, қоршаған орта және климаттың өзгеруі саласындағы ынтымақтастық» (WECOOP) жобасымен ұйымдастырылды.

Жаңартылатын энергия ЕО үшін де, ХҚМ үшін де басым болып саналады. ЕО-да жаңартылатын энергия көздерінің үлесі 2004 жылдан бастап 2020 жылға дейінгі кезеңде екі еседен астам ұлғайды.

Қатысушыларға арнаған сөзінде Қазақстандағы ЕО Өкілдігінің басшысы Йоханнес Стенбаек Мэдсен мырза мәлімдегендей: «Біздің жаңа өсу стратегиямыз – Еуропалық жасыл бағытта қарастырылған 2050 жылға қарай бірінші климаттық бейтарап құрлық болу үшін ЕО 1990 жылмен салыстырғанда шығарындыларды 2030 жылға қарай кем дегенде 55%-ға азайтуға міндеттенеді. Бұл жаңартылатын энергия көздерінің одан да көп үлесін және энергия тиімділігін талап етеді. 2021 жылы Еуропалық комиссия жаңартылатын энергия көздері туралы қайта қаралған директиваны ұсынды және ЕО энергетикалық балансындағы ЖЭК үлесінің міндетті мақсатты көрсеткішін 2030 жылға қарай 40%-ға дейін арттыруды ұсынды. Біз Орталық Азияның барлық елдері жаңартылатын энергияны пайдалануды кеңейту бойынша күш-жігер жұмсап жатқанына қуаныштымыз. Біз сектордың одан әрі дамуы энергияға деген өсіп келе жатқан сұранысты қанағаттандыруға, өңірдің энергетикалық тұрақтылығын нығайтуға, Париж келісімі бойынша міндеттемелерді орындауға және бизнес үшін жаңа жұмыс орындары мен мүмкіндіктер жасауға көмектесе алады деп санаймыз. ЕО-ның Орталық Азия бойынша Жасыл бағдары мен стратегиясына сәйкес, ЕО Орталық Азия елдерін «жасыл» энергияға, оның ішінде мақсатты инвестициялар арқылы өтуге қолдауға дайын».

Семинар барысында Еуропалық қайта құру және даму банкі (ЕҚДБ), Азия даму банкі (АДБ) және АҚШ Халықаралық даму агенттігі (USAID) қоса алғанда, ЕО және ХҚМ-дан қатысушы сарапшылар жаңартылатын энергия көздері саласындағы жобаларды іске асыру бойынша өз тәжірибелерін ұсынды және өңір елдері үшін қолжетімді инвестициялық мүмкіндіктер мәселелерін талқылады. Сондай-ақ, қатысушылар Орталық Еуропа, Балтық және Орталық Азияда жүзеге асырылған нақты жобаларды қарастырды.

«Еуропалық Одақ – Орталық Азия: су ресурстары, қоршаған орта және климаттың өзгеруі саласындағы ынтымақтастық» (WECOOP) жобасы (2019 жылғы қазаннан бастап 2023 жылғы сәуірге дейін үшінші фаза) ЕО стандарттарына жақындасу арқылы Орталық Азиядағы қоршаған орта, климаттың өзгеруі және су ресурстары саласындағы саясатты жақсартуға бағытталған. сондай-ақ, көмірқышқыл газының шығарындыларын (CO2) қоса алғанда, адам іс-әрекетінен туындаған ластануды айтарлықтай азайтуға қол жеткізу мақсатында экономиканың тиісті секторларына «жасыл» инвестицияларды ынталандыруға бағытталады. Жобаның қызметі ЕО–ОА қоршаған ортаны және су ресурстарын қорғау саласындағы ынтымақтастық платформасын және оның қоршаған орта мен климаттың өзгеруі жөніндегі жұмыс тобын, сондай-ақ климатты қорғаудағы іс-қимылдарды ілгерілету үшін ЕО-ның Орталық Азиядағы жасыл бағытын халықаралық өлшеуді қолдауды қамтиды.