Қазақстан жаңалықтары24.11.2022
«ҚазМұнайГаз» көміртегі ізін азайту үшін «жасыл» сертификат сатып алды
QAZAQ GREEN. «ҚазМұнайГаз» ҰК АҚ (ҚМГ) парник газдарының (ПГ) жанама шығарындыларын азайту мақсатында I-REC (International Renewable Energy Certificate) халықаралық жаңартылатын энергия сертификаттарын сатып алып, 8,5 млн кВтсағ энергия құнын төледі. Бұл ҚМГ орталық аппараты 2022 жылы тұтынады деген электр энергиясына тең, деп хабарлайды КМГ-дың ресми сайты.
ПГ шығарындылар көлемі үшке бөлінеді. Біріншісі, Scope 1 (ағылш. scope – «ауқым, қамту аясы, шегі»), кәсіпорындар өндірісте бөлетін тікелей шығарындылар. Екінші түріне (Scope 2) энергия тұтынудан бөлінетін парник газдарының жанама шығарындылары жатады, мысалы, компания кеңсесі тұтынатын энергия (мұнда компанияның энергияны қандай көздерден алатыны маңызды: көмір станциялары, атом электр станциялары, ГЭС және басқалары). Ал үшінші түріне (Scope 3) компанияның қызметіне байланысты, бірақ оның тікелей бақылауынан тыс барлық басқа жанама шығарындылар жатады.
I-REC сертификаттары ерікті түрде беріледі және электр энергиясын жаңартылатын энергия (ЖЭК) көзі өндіргенін растайды. Сертификатта 1 МВт*сағ таза электр энергиясы, электр станциясының географиялық орны және электр энергиясын өндірген уақыт аралығы көрсетіледі. Олар The international RAC Foundation әзірлеген халықаралық стандарт бойынша шығарылады және бұл сертификаттарды GHGP, CDP, RE100, ISO және өзге де халықаралық ұйымдар мойындайды. I-REC сертификаттары бүкіл әлемде сатылады және 51 елде шығарылады.
I-REC сертификаттарын сатып алған компаниялар халықаралық тәжірибеге сәйкес, Scope 2 деңгейінде электр энергиясын пайдалану кезінде бөлінетін парник газдары шығарындыларын азайтқаны туралы мәлімдей алады. «Жасыл» электр энергиясын өндіруші компаниялар өз кезегінде «жасыл» сертификаттарды сату арқылы нарықта қосымша қаржылық қолдауға ие болады.
«ҚазМұнайГаз» еліміздегі өңірлердің бірінде орналасқан күн электр станциясы үшін шығарылған сертификаттарды сатып алды. Бұл – Қазақстан үшін алғашқы тәжірибе. Жаңартылатын энергияға сертификат беретін халықаралық платформа Қазақстанда жұмысын биыл бастады. I-REC сертификаттарының эмитенті – ECOJER қауымдастығы. Ол I-REC-ке тіркелуші компаниялардың есебін жүргізеді, электр энергиясының жаңартылатын энергия көздерінен келетінін растайтын құжаттарын тексеріп, тіркелген компаниялардың өтініші бойынша сертификат шығарады.
«ҚазМұнайГаз» «жасыл» сертификаттарды сатып алу арқылы компанияның тұрақты даму мен ESG қағидаттарына берік екенін, жаңартылатын энергия көздеріне қаржылай қолдау көрсете отырып, көміртегі ізін азайту бойынша қабылдаған корпоративті бағдарламасын біртіндеп жүзеге асырып жатқанын көрсетеді.
«ҚазМұнайГаз» ұлттық компаниясы» АҚ – Қазақстанның вертикалды интеграцияланған жетекші мұнай-газ компаниясы. ҚМГ көмірсутектерді барлау мен өндіруден бастап тасымалдауға, өңдеуге және мамандандырылған қызметтер көрсетуге дейінгі бүкіл өндірістік цикл бойынша активтерді басқарады. 2002 жылы негізі қаланған компания еліміздің мұнай-газ саласында Қазақстанның мүддесін қорғайды.
The international RAC Foundation (I-REC Standard) ұйымы – жасыл атрибуттарды бақылау үшін сенімді халықаралық стандартты ұсынатын коммерциялық емес ұйым. I-REC Стандарты парник газдар хаттамасы (Greenhouse Gas Protocol немесе GHGP), Carbon Disclosure Project (CDP) және RE100 сияқты негізгі есеп беру жүйелерінің сенімді және дәйекті бақылау құралдарының негізі ретінде танылған. Тиісінше, I-REC сертификаттары осы стандарт негізінде шығарылады.
Apple жаңартылатын энергия көздері мен су ресурстарының тұрақтылығына күш салуда
Еуропада екі мемлекет жел генераторларының қуатын арттырудың арқасында 100% жаңартылатын энергиямен қамтамасыз етілді
IRENA есебі: ЖЭК-ке көшу энергия қауіпсіздігіне жаңа көзқарасты қажет етеді
CATL өнеркәсіптік батареяны, Megapack Tesla баламасын ұсынды
Бакуде жел электр станциясы салынады
Қазақстан мен Оңтүстік Корея Түркістанда бу-газ қондырғысын салуға ниетті
Астанада ҚР – ЕО Энергетика, көлік, қоршаған орта және климаттық өзгерістер жөніндегі кіші комитетінің 7-ші отырысы өтті
Алмасадам Сәтқалиев: Қазақстан метан шығарындыларын азайту бойынша жұмысты күшейтуге ниетті
Дубайда күн батареясымен жүретін көлік іске қосылуы мүмкін
IRENA: Жел электр станцияларын енгізу құны үштен бірінен астамға төмендеді
Абу-Дабиде министрлер мен энергетика көшбасшылары ЖЭК болашағын талқылайды
Венгрия жылуды біртіндеп геотермалдық энергияға ауыстыруда
Еуропалық комиссия ғимараттардың энергетикалық тиімділігі туралы заң қабылдады
Финляндияда үлкен жерасты үңгірлері жыл бойына бүкіл қаланы жылыта алады
Техаста СО2 мен судан отынның өнеркәсіптік өндірісі басталды
ЕО жасыл ауысу үшін энергетикалық инфрақұрылымға €600 млрд инвестициялауы тиіс
Ғарыштық күн энергиясы: SpaceX және General Motors бұрынғы инженерлері энергетика болашағын өзгертуде
АҚШ таза энергияны пайдалануға рұқсат беру бойынша өз мақсатынан асып түсті
Қызылордада эко-фазендаға 105 кВт күн станциясы орнатылды
АҚШ-та сыртқы кванттық тиімділігі 190% күн панельдеріне арналған материал әзірледі