QAZAQ GREEN.  Еуропалық қайта құру және даму банкі (ЕҚДБ) Жапония үкіметімен бірлесіп Жапонияның Халықаралық ынтымақтастық банкімен (JBIC), Жапонияның Халықаралық ынтымақтастық агенттігімен (JICA) және серіктес-ұйымдастырушылармен бірлесіп Жапонияның Токио астанасында «Орталық Азия бойынша ЕҚДБ инвестициялық форумы: тұрақты өсу үшін көпірлер салу» (Central Asia Investment Forum: building bridges for sustainable growth) формумын өткізеді.

Форумда жетекші халықаралық сарапшылар сөз сөйледі, тұрақты дамуға баса назар аудара отырып, саудадан энергетика мен инфрақұрылымға дейінгі жоғары инвестициялық әлеуеті бар секторларға шолулар ұсынылды.  

Қазақстан атынан «Энергетикалық секторды қайта құру - Орталық Азиядағы таза энергия» форумының панельдік сессиясында Qazaq Green ЖЭК қауымдастығының басқарма төрағасы Айнұр Соспанова сөз сөйледі.

Оның айтуынша, Орталық Азия елдері экологиялық таза энергияға көшудің қажеттілігі мен артықшылықтарын көбірек түсінуде. Жаңартылатын энергияны пайдалануды арттыру арқылы үкіметтер климаттық мақсаттарға қол жеткізе және энергия қауіпсіздігін арттыра алады. 

«Орталық Азияның жаңартылатын энергетика бойынша орасан зор әлеуетін тиімді игеру үшін Орталық Азия елдері өз күштерін біріктіруі тиіс. Керісінше жағдайда, жаңартылатын энергетиканы энергия жүйесіне біріктіру қиын болады», - деп есептейді Айнұр Соспанова. 

Ұйымдастырушылардың болжамынша, 2023 жылы Орталық Азия елдерінің экономикасы өсіп, геосаяси күйзелістерге төзімділік танытып, ақылға қонымды инвесторлар үшін мүмкіндіктер туғызатын болады.   

Энергетика секторына инвесторлар үшін нақты мақсаттармен және белгілермен, қолайлы реттеуші ортамен, өңіраралық интеграциямен және неғұрлым экологиялық технологияларды енгізумен жаңартылатын энергия көздерін пайдалану ауқымын кеңейтудің ұзақ мерзімді стратегиясы қажет.

Алайда, бұл салаларда, мысалы, халықтың хабардарлығын арттыру, көмірсутектердің үстемдігін жеңу, жаңартылатын энергия көздерінен үзіліссіз жеткізілімдерді сіңіру және капитал көздерін жұмылдыру үшін электр желілерінің әлеуетін нығайту қажеттілігін қос алғанда, проблемалар бар.   

Естеріңізге сала кетейік, ЕҚДБ Қазақстан мен Өзбекстан сияқты қазба отындарын экспорттаушылардан бастап, Қырғыз Республикасы мен Тәжікстанның гидроэнергетикасына бай отындарына дейін Орталық Азия өңіріндегі энергетикаға байланысты саясат пен инвестициялар саласында жұмыс жүргізуде.