Қазақстан жаңалықтары17.01.2023
ЕАЭО елдерінің «жасыл» жобаларын қаржыландыруды қамтамасыз етуге мүмкіндік беретін модельдік таксономия бекітілді
QAZAQ GREEN. Еуразиялық экономикалық комиссия Ресей Федерациясында және Қазақтан Республикасында таксономиялардың ұлттық әзірлеушісі болып табылатын РФ СЭБ мемлекеттік корпорациясымен және «Астана» халықаралық қаржы орталығының Жасыл қаржы орталығымен бірлесіп, Еуразиялық экономикалық одақ елдерінің жасыл жобаларының критерийлерін (модельдік таксономиясын) дайындады.
Модельдік таксономия климаттық күн тәртібі шеңберінде ЕАЭО-ға мүше мемлекеттердің позицияларын жақындастыру бойынша ұсыныстар тұжырымдау жөніндегі жоғары деңгейлі жұмыс тобының отырысында мақұлданды. "Біз Еуразиялық үкіметаралық кеңес шешімдерін орындау жолында бекітілген құжат туралы айтып отырмыз, бұл ЕАЭО-ның бүкіл кеңістігінде оларды қаржыландыру мақсаты үшін оны жасыл жобаларды іріктеудің толық құқықты құралы ретінде қарауға мүмкіндік береді",- деп пайымдайды ЕЭК Сауда жөніндегі министрі Андрей Слепнев.
Оның сөзінше, халықаралық сарапшылар көміртек бейтараптығына қол жеткізу үшін әлемдік экономикаға 2050 жылға дейін 5 трлн доллар талап етіледі деп бағалайды. Осымен бір мезгілде төмен көміртектің дамуына сыйысымды және ынталандырылатын салалар мен технологиялар тізбесін қайта қарау орын алуда.
Жасыл және жасыл емес салалар мен технологиялардың аражігін ажырату мәселесі тап сол жасыл таксоманияларды (жасыл жобалардың критерийлерін) құру шеңберінде шешіледі. Бүгінгі таңда әлемде 15-ке жуық ұлттық жүйе құрылған, олардың арасында Еуропалық одақтың, Қытай Халық Республикасының, Ресей Федерациясының және Қазақстан Республикасының таксономиялары бар.
Модельдік таксономияны дайындау мақсаты ЕАЭО кеңістігінде жасыл қаржыландыру құралдарын жүйелі дамыту шеңберінде мүше мемлекеттердің тәсілдемелерін ынталандыру және жақындастыру, сондай-ақ капиталдың еркін қозғалысын қамтамасыз ету болып табылады. Жасыл жобалардың дайындалған критерийлері интеграциялық бірлестік үшін қалыптастырылған ұлттық таксономияны әзірлеу немесе өзектілендіру үшін негіз бола алатын критерийлердің бірі болды.
"Модельдік таксономия ЕАЭО елдерінің инвестор-компанияларының ЕАЭО елдерінің биржаларында қаржыландыру құралдарын орналастыру арқылы қатысушы елдердің нарықтарына қол жеткізуін оңайлата алады. Модельдік таксономия құрылымында салалық тәсілдеме пайдаланылған, салаларды таңдау көбінесе салалардың көмірсутекті қажетсінуіне және шығарындыларды қысқарту әлеуетіне негізделеді»,- деді Андрей Слепнев.
Сонымен бірге, критерийлерді айқындау кезінде әлемдік тәсілдемелер мен үздік әлемдік практикалар талданды, сондай-ақ климаттық мақсаттарға қол жеткізудің ұлттық тәсілдемелері тиісті түрде назарға алынды. Әлемдік тәсілдемелерді есепке алу модельдік таксономияның басқа халықаралық стандарттармен үйлесімділігінің жоғары деңгейін қамтамасыз етуге, сондай-ақ оны стандарттарды әзірлеушілердің халықаралық қауымдастығы мен халықаралық инвесторлардың тануына мүмкіндік береді.
Жасыл жобалардың әзірленген модельдік таксономиясынан басқа, жұмыс тобы төмен көміртекті экономиканы қаржыландыру жүйелерін дамытудың халықаралық және ұлттық тәсілдемелері туралы баяндама дайындады.
Материалдармен мына сілтеме бойынша танысуға болады.
Анықтама
Климаттық күн тәртібі шеңберінде ЕАЭО-ға мүше мемлекеттердің позицияларын жақындастыру бойынша ұсыныстар тұжырымдау жөніндегі жоғары деңгейлі жұмыс тобы Еуразиялық үкіметаралық кеңестің 2021 жылғы 21 тамыздағы №10 өкіміне сәйкес құрылды. Оны ЕЭК Сауда жөніндегі министрі Андрей Слепнев басқарады. ЕҮК 2022 жылғы 21 қазандағы №18 тапсырмасымен ЕАЭО-ға мүше мемлекеттердің климаттық күн тәртібі шеңберіндегі ынтымақтастығы жөніндегі іс-шаралардың (жол картасының) алғашқы пакеті бекітілді. Жол картасы тармақтарының бірінде ұлттық және халықаралық практикаларды талдау, соның ішінде ЕАЭО жасыл жобаларының модельдік таксономиясы бойынша жалпы тәсілдемелерді пысықтау жөнінде баяндама дайындау көзделген.
Apple жаңартылатын энергия көздері мен су ресурстарының тұрақтылығына күш салуда
Еуропада екі мемлекет жел генераторларының қуатын арттырудың арқасында 100% жаңартылатын энергиямен қамтамасыз етілді
IRENA есебі: ЖЭК-ке көшу энергия қауіпсіздігіне жаңа көзқарасты қажет етеді
CATL өнеркәсіптік батареяны, Megapack Tesla баламасын ұсынды
Бакуде жел электр станциясы салынады
Қазақстан мен Оңтүстік Корея Түркістанда бу-газ қондырғысын салуға ниетті
Астанада ҚР – ЕО Энергетика, көлік, қоршаған орта және климаттық өзгерістер жөніндегі кіші комитетінің 7-ші отырысы өтті
Алмасадам Сәтқалиев: Қазақстан метан шығарындыларын азайту бойынша жұмысты күшейтуге ниетті
Дубайда күн батареясымен жүретін көлік іске қосылуы мүмкін
IRENA: Жел электр станцияларын енгізу құны үштен бірінен астамға төмендеді
Абу-Дабиде министрлер мен энергетика көшбасшылары ЖЭК болашағын талқылайды
Венгрия жылуды біртіндеп геотермалдық энергияға ауыстыруда
Еуропалық комиссия ғимараттардың энергетикалық тиімділігі туралы заң қабылдады
Финляндияда үлкен жерасты үңгірлері жыл бойына бүкіл қаланы жылыта алады
Техаста СО2 мен судан отынның өнеркәсіптік өндірісі басталды
ЕО жасыл ауысу үшін энергетикалық инфрақұрылымға €600 млрд инвестициялауы тиіс
Ғарыштық күн энергиясы: SpaceX және General Motors бұрынғы инженерлері энергетика болашағын өзгертуде
АҚШ таза энергияны пайдалануға рұқсат беру бойынша өз мақсатынан асып түсті
Қызылордада эко-фазендаға 105 кВт күн станциясы орнатылды
АҚШ-та сыртқы кванттық тиімділігі 190% күн панельдеріне арналған материал әзірледі