QAZAQ GREEN.  Әлемдегі ең ірі көпжақты қорлардың бірі – Климаттық инвестициялық қор (CIF) Түркияның жасыл энергетикасын дамытуға 1 миллиард доллар көлемінде қаржылық қолдау көрсетті, деп хабарлвйды AGBI.

Қордың директорлар кеңесі Анкараның жасыл энергетика жүйесін кеңейтуге арналған 70 миллион долларлық инвестицияны мақұлдады. CIF-тің бұл қаржыландыруы елдің электр тарату жүйесін өзгерту және интеллектуалды желілерді жаңғырту үшін қосымша 790 миллион доллар тартуға мүмкіндік береді. Сондай-ақ, жүйенің икемділігін арттыру үшін 330 миллион долларды, оның ішінде децентрализденген электр зарядтау станцияларын, тарату желілерін цифрландыруды және 7500 мегаватт қуаттағы аккумуляторларды арттыруға инвестициялау жоспарланған.

Бұл жаңартулар Түркияның энергетикалық жүйесіне 2035 жылға қарай 60 гигаватт қосымша жел және күн энергиясы қуатын біріктіруге мүмкіндік береді. Күн панельдерінің қуаты 14 ГВт-тан 53 ГВт-қа дейін төрт есеге, ал жел қондырғыларының қуаты 12 ГВт-тан 29,6 ГВт-қа дейін екі еседен аса артады.

«Түркияның күн және жел ресурстары әлемдегі ең ауқымды таза энергияны дамыту жобаларының бірін іске асыруға жеткілікті», – деді CIF-тің атқарушы директоры Тарие Гбадегезин.

«Біздің қолдауымыз елдің ұлттық энергетикалық желісін икемді және сенімді етуге, сондай-ақ үзіліспен келетін жел және күн энергиясының қарқынды өсуіне дайындауға бағытталған», – деп қосты ол.

Еуропалық қайта құру және даму банкі мен Дүниежүзілік банк тобымен бірге әзірленген бұл жоспар бастапқы инвестиция көлемінен 15 есе көп қосымша қаржыландыру тартады деп күтілуде.

REI құрамында Бразилия, Колумбия, Коста-Рика, Фиджи, Кения және Мали секілді он ел бар, олардың инвестициялық жоспарлары да мақұлданды.