QAZAQ GREEN.  Барселонада қайта зарядтаусыз 21 сағатқа дейін жұмыс істеуге қабулетті жаңа Ecocat Tres электр паромы іске қосылды. Бұл – қаладағы жасыл көлікті дамыту бағдарламасының бөлігі, деп хабарлайды Хайтек+.

Кеме Драссанес пен Льевант айлақтарының арасында тұрғындар мен туристерге қала бойынша қозғалыстың ыңғайлы және таза әдісін қамтамасыз ету үшін, сонымен бірге жолдардағы жүктемені азайту үшін қолданылады. Алғашқы 3 айда паром 125 мыңнан астам рейс жасады.

Ecocat Tres – 15 метрлік алюминий катамаран, оның сыйымдылығы 84 жолаушыны құрайды. Оның бортында Барселонаның көрнекі жерлерін тамашалауға болатын қосымша орындармен жоғарғы палуба бар. Паром күн сайын кем дегенде 12 сағат бойы әр 15-30 минут сайын жүреді, бүкіл сапар шамамен 10 минутты алады.

Палубаның астына 2 қуатты 48 вольтты Molabo Aries i50 қозғалтқышы орнатылған. Ол паромға максималды жылдамдықты 12 түйінді қамтамасыз етеді, ал 5 түйін қалыпты жұмыс жылдамдығында қайта зарядтаусыз 21 сағатқа дейін жұмыс істеуге мүмкіндік береді. Бұл кемені күнделікті сапарлар үшін тамаша құрал етеді.

Борттағы барлық энергетикалық жүйені Azimut Marine компаниясы жеткізді және өндірді. Оған 50 киловатт қуаты бар 2 электр жетегі, жалпы сыйымдылығы 216 киловатт-сағат болатын 36 батарея, жылдам зарядтағыштар және күн панельдері кіреді. Соңғысы паромның энергия қажеттілігінің 40%-на дейін жабуға қабілетті. Бұған қоса, Molabo төмен вольтты қозғалтқыштары стандартты жоғары вольтты қозғалтқыштарға қарағанда техникалық қызмет көрсетуде қауіпсіз, сондай-ақ тыныш және аз дірілмен жұмыс істейді.

Есептеулер бойынша, Ecocat Tres көмірқышқыл газының шығарындыларын жылына шамамен 90 тоннаға азайтады. Бұл қаланың жасыл технологияға және көміртегі ізін азайтуға ниеттелген бағытына сәйкес келеді. Барселона портының президенті Хосе Антонио Карбонель атап өткендей, мұндай кемені іске қосу бүкіл порт инфрақұрылымын көміртексіздендіу процесін жеделдетеді.