QAZAQ GREEN. Еуропалық қайта құру және даму банкі (ЕҚДБ) Жаңғыртылатын энергия көздерінің жетекші әлемдік әзірлеушісі және ЕҚДБ негізгі стратегиялық клиенті Scatec ASA-ға тиесілі  арнайы мақсаттағы Obelisk Solar Power компаниясына 30 миллион АҚШ долларын үлестік қаржыландыру арқылы египеттің жаңартылатын энергия секторына қолдау көрсетуде.  

Бұл қаражат  Нагаа-Хаммадидегі 1 гигаватт айнымалы ток фотоэлектрлік (GVAC) станциясын және 200 МВт-сағ батарея энергиясын сақтау жүйесін (BESS) салу үшін қажетті күрделі міндеттемелерді орындауға жұмсалады. Бұл Египеттегі гибридті жаңартылатын энергия көздерінің алғашқы жобаларының бірі болады және елде технологияны енгізу үшін пилоттық жоба ретінде қызмет етеді деп күтілуде.

Жоба Египеттегі жасыл энергияға көшуді жеңілдетеді, сонымен бірге электр энергиясына сұраныстың өсуі жағдайында энергетикалық жүйенің тұрақтылығы мен сенімділігін сақтауға септігін тигізеді. Ол елдің өңірдегі жетекші жаңартылатын энергия хабына айналу әлеуетін ашу үшін Шарм-эль-Шейхте COP27-де басталған Египеттің ЕҚДБ басқаратын «Су, азық-түлік, энергия  бойынша Нексус» бағдарламасының энергетикалық бағытының аясында әзірленуде. Жоба Египеттің CO2 шығарындыларын жылына 1 357 000 тоннаға азайтады деп күтілуде.

Египет ЕҚДБ негізін қалаушылардың бірі болып табылады. Банк елдегі жұмысын 2012 жылы бастағаннан бері ел бойынша 201 жобаға 13,8 миллиард еуродан астам инвестиция салған. ЕҚДБ Египеттегі инвестициялық салалары қаржы секторын, агробизнесті, өндіріс пен қызмет көрсетуді, сондай-ақ энергетика, су және санитария саласындағы инфрақұрылымдық жобаларды және көлік секторын жаңғыртуға қосқан үлестерін қамтиды.