QAZAQ GREEN. LUMI деп аталатын Еуропадағы ең қуатты және әлемдегі үшінші қуатты суперкомпьютер финдық Каяани қаласында салтанатты түрде ұсынылды, деп хабарлайды Euractiv.

LUMI (Large Unified Modern Infrastructure - Үлкен бірыңғай заманауи инфрақұрылым) деректерді өңдеу орталығына айналған ескі қағаз фабрикасының ғимаратында орналасқан. Суперкомпьютер EuroHPC бірлескен жобасының нәтижесі болып табылады. Бұл бастаманы 2018 жылы Чехия, Дания, Эстония, Польша мен Швецияны қоса алғанда ЕО елдері және Еуропадағы суперкомпьютерлер экожүйесін дамыту үшін жеке серіктестер іске қосты.

Өлшемі баскетбол алаңыздай болатын компьютер шамамен екі миллион ноутбукке тең қуат өндіре алады, EuroHPC-ге тиесілі және оны он елдің консорциумы басқарады. LUMI құны 200 миллион еуро болды: соманың төрттен бір бөлігін Финляндия, ал қалғанын басқа серіктестер өтеді.

Каяани орналасу орны ретінде таңдалды, өйткені салқын климаттың арқасында компьютерді салқындату үшін аз қуат қажет. LUMI жаңартылатын гидроэлектростанциялардан қоректенеді және оның өндірілген жылуы орталықтандырылған жылумен жабдықтау желісінде қолданылады.

Сонымен бірге Еуропалық комиссияның атқарушы вице-президенті Маргрете Вестагер LUMI-дің ашылуын «Еуропаның цифрлық және жасыл қайта құрылуының маңызды қадамы» және «біздің өмірімізді жақсарту үшін жасанды интеллекттің үлкен әлеуетінің керемет үлгісі» деп атады.

LUMI медицина, жасанды интеллект, климаттың өзгеруі, жаңартылатын энергия және термоядролық энергияны қоса алғанда, деректер мен есептеулерге көп көңіл бөлетін салаларда маңызды актив болуға уәде береді. LUMI бүкіл әлемдегі академиялық зерттеушілер үшін қолжетімді болумен қатар, оның қуаттылығының бестен бір бөлігі жеке компаниялар үшін сақталған.

Green500 суперкомпьютерлерінің үнемі өзгеріп отыратын ғаламдық тізімінде қазіргі уақытта Lumi-дің алдында американдық Summit және жапондық Fugaku компьютері бар.