QAZAQ GREEN.  Сауд Арабиясы Ұлттық жаңартылатын энергия бағдарламасы (NREP) аясында 3,3 ГВт жел және күн энергиясы жобаларына тендер жариялады, деп хабарлады Энергетика министрлігі жексенбіде.

Патшалықта негізгі сатып алушы Saudi Power Procurement Company (SPPC) компаниясы 1,8 ГВт жел энергиясын және 1,5 ГВт күн қуатын орналастыруға бағытталған бес жобаны ұсынды. Осы раундтың аясында Сауд Арабиясы Қызыл теңіз жағалауындағы Янбуда 700 МВт жел электр станциясын және Эр-Рияд провинциясындағы Аль-Гатта тағы 600 МВт қуаттылықты салуға ниетті. Қуаты 500 МВт болатын үшінші жел жобасы Сауд Арабиясының солтүстігіндегі Ваад Әл-Шамалда орналасады. Күн энергиясының мақсатты қуаттылығына Аль-Хинакия шығыс провинциясындағы 1,1 ГВт жоба және елдің солтүстігіндегі Табарджалда құрылатын тағы бір 400 МВт күн паркі кіреді.

Осы бес жобаны іске асыру патшалықтың электр энергиясын өндіру құрылымын әртараптандыру және отынның қазбалы түрлерінен бас тарту жөніндегі мақсатына қол жеткізуге ықпал етеді.