«Qazaq Green» ЖЭК қауымдастығы ҚР Экология және табиғи ресурстар министрлігінде Qazaq Green Certificate Program алғашқы қазақстандық ерікті көміртегі стандартын таныстырды.

«Qazaq Green» ЖЭК қауымдастығы ұйымдастырған таныстыру ҚР Экология және табиғи ресурстар министрі Ерлан Нысанбаевтың қатысуымен өтті. Министр шығарындылар саудасының отандық жүйесі экономиканың шектеулі салаларын қамтитынын, осыған байланысты көміртегі ізін азайтқысы келетін көптеген жеке сектор компанияларында мұндай мүмкіндік жоқ екенін атап өтті. Сонымен бірге, ерікті офсеттердің әлемдік нарығы өсуде және болашақта үлкен перспективаларға ие.

«Qazaq Green» ЖЭК қауымдастығы Қазақстан Президентінің 2060 жылға қарай елдің көміртегі бейтараптығына қол жеткізу жөніндегі алға қойған мақсатының маңыздылығын түсіне отырып, парниктік газдар шығарындыларын азайту бойынша көміртегі офсеті тетіктердің ерікті стандартын құру және климаттың өзгеруіне қарсы күреске және парниктік газдар шығарындыларын қысқартуға үлес қосу туралы шешім қабылдады.

Көміртегі офсеті климаттың өзгеруіне қарсы күресте маңызды рөл атқарады. Олар компанияларға өздерінің көміртегі ізінен тыс көміртексіздендіруді қолдауға мүмкіндік береді, сол арқылы компанияның көміртексіздендіруге көшуін жылдамдатады. ҚР сауда жүйесіне кірмейтін жеке компаниялардың ESG қағидаттарына бейілділігін растау және көміртегі ізін көміртегі бірліктерімен жабу мүмкіндігі жоқ. Енді Qazaq Green Certificate Program жеке және корпоративтік тұлғаларға ерікті офсеттік бірліктерді сатып алу арқылы климаттың өзгеруіне қарсы күреске үлес қосуға мүмкіндік береді.

«Елдің іскерлік ортасында көміртегі бейтараптығына қол жеткізу мақсаттарына міндеттеме жарияланғаннан кейін көміртегі ізін төмендететін жобаларға үлкен сұраныс артып келеді. Бұл мәселеге телекоммуникациялық және IT-компаниялар, банк секторы, қызмет көрсету секторындағы орта бизнес, яғни ESG қағидаттарын өздерінің корпоративтік саясатында пайдалануға мүдделі компаниялар қызығушылық танытуда», – деп атап өтті «Qazaq Green» ЖЭК қауымдастығының Директорлар кеңесінің төрағасы Нұрлан Қапенов.

Тұсаукесерге ENI, TotalEnergies, Полиметалл Еуразия, Forte Bank, Қазақстан электр энергетикалық қауымдастығы, ESGQ рейтинг агенттігінің өкілдері қатысты. Қатысушылар бүгінгі күні Қазақстанда ерікті офсеттік нарықтың дамымауына байланысты компаниялар шетелдік нарықтарға шығуға мәжбүр деген пікір білдірді. Өз кезегінде, бірінші отандық ерікті офсеттік стандарттың іске қосылуы осы олқылықтың орнын толтыруға және көміртегі бейтараптығына қол жеткізуге өз үлесін қосуға арналған.

Кеңес қорытындысы бойынша қатысушылар Qazaq Green Certificate Program ерікті офсетін іске қосу бастамасын қолдады, оның тұсаукесері БҰҰ-ның Дубайдағы Климаттың өзгеруі туралы негіздемелік конвенциясы (СОР-28) тараптарының 28-ші конференциясы аясында өтеді.