QAZAQ GREEN. LONGi компаниясы Qazaq Green ЖЭК қауымдастығын Қазақстандағы ең үздік серіктес деп атады.

LONGi MEA & CA Region компаниясының Қазақстан бойынша аймақтық директоры Әсет Оңғарбаев марапатты Qazaq Green ЖЭК қауымдастығының директорлар кеңесінің төрағасы Нұрлан Қапеновке және қауымдастықтың басқарма төрағасы Айнұр Соспановаға табыс етті.

Әлемде, әсіресе Орталық Азияда энергетикалық көшуді ілгерілету мақсатында, LONGi өтінім беріп, 2022 жылдың қазан айында «Qazaq Green» ЖЭК қауымдастығына қосылды.

2000 жылы негізі қаланған LONGi клиенттерге бағытталған құндылықтарды құруға баса назар аудара отырып, күн технологиялары саласындағы әлемдегі жетекші компания болуға ұмтылады.

Бұл Қытайдың ең ірі күн компаниясы өз ісін технологиялық инновацияларға арнады және монокремний пластиналарын, элементтер мен модульдерді, коммерциялық және өнеркәсіптік үлестірілген күн шешімдерін, жасыл энергетика шешімдері мен сутегі жабдықтарын қамтитын бес бизнес секторын құрды. Компания таза энергиямен қамтамасыз ету саласында бай тәжірибе жинақтады, жақында көміртегінің нөлдік шығарындыларымен жаһандық дамуды қолдау үшін экологиялық таза сутегі өнімдері мен жобаларын енгізді.

«Qazaq Green» ЖЭК қауымдастығы 2018 жылы Қазақстанда ЖЭК секторын дамытуды қолдау мақсатында құрылды және инвесторларды, девелоперлер мен жабдықтарды өндірушілерді, сондай-ақ халықаралық қаржы институттарын, зерттеу және жобалау институттарын біріктіреді. Қауымдастық ҚР Энергетика министрлігінде, ҚР Экология, геология және табиғи ресурстар министрлігінде, «Атамекен» ҚР Ұлттық кәсіпкерлер палатасында аккредиттелген және мемлекеттік органдар үшін де, бизнес-қоғамдастық үшін де Қазақстанда ЖЭК дамыту жөніндегі негізгі сараптамалық орталықтардың бірі болып табылады.