QAZAQ GREEN.  Бүгін, 27 қыркүйекте Plenitude (Eni) компаниясы жергілікті билік өкілдері мен Италияның Қазақстандағы елшісі Марко Альбертидің қатысуымен Түркістан облысындағы Шәуілдер кентінің жанында орналасқан Қазақстан Республикасында өзінің алғашқы фотоэлектр станциясын ашты.

Белгіленген қуаты 50 МВт бұл нысан Plenitude халықаралық портфелін және оның Arm Wind еншілес компаниясы арқылы Қазақстандағы жаңартылатын энергия көздері секторына қатысуын одан әрі кеңейтеді.

 »Шәуілдер» фотоэлектр станциясының құрылысы Қазақстандағы күн энергетикасы секторындағы Plenitude үшін алғашқы маңызды қадам болып табылады. Электр станциясы Түркістан өңірінің дамуына өз үлесін қосып, осы саладағы ең озық технологияларды жергілікті аумаққа қолжетімді етеді. Компания 2020 және 2022 жылдары ашқан «Бадамша-1» және «Бадамша-2» екі жел электр станциясын толықтыратын бұл жоба Қазақстанның жаңа энергетикаға көшу процесіне және көміртегі бейтараптығы мақсатына қол жеткізуге өз үлесін қосады», – деді Plenitude компаниясының бас директоры Стефано Гоберти.

100 га аумақта орналасқан фотоэлектр станция жылына 90 ГВт-сағатқа дейін электр энергиясын өндіреді және 93000-нан астам күн панельдері мен электр қосалқы станциясын қамтиды. Бұл компоненттер ұзындығы 7,5 км болатын жаңа әуе электр желісі арқылы жергілікті электр желісіне біріктіріледі.

Plenitude – жаңартылатын көздерден энергия өндірумен, энергетикалық қызметтерді сатумен және электромобильдерді зарядтау пункттерінің кең желісін құрумен айналысатын Eni (Società Benefit) еншілес кәсіпорны. Компания 2,5 ГВт жаңартылатын энергия көздерінен белгіленген қуатқа ие және 2026 жылға дейін 7 ГВт-тан астам белгіленген қуатқа қол жеткізуге және 2030 жылға дейін 15 ГВт-тан асуға ниетті. Қазақстанда Plenitude шамамен 150 МВт жалпы операциялық қуаты бар Arm Wind еншілес компаниясы арқылы жаңартылатын энергетика секторында жұмыс істейді.