QAZAQ GREEN. Қазақстан Республикасы Энергетика министрлігі 2024 жылдың қорытындысын жариялады.

Жыл соңына дейін жалпы қуаты 163,35 МВт болатын 8 жаңа жаңартылатын энергия көздері (ЖЭК) нысанын іске қосу жоспарланып отыр:

Ақмола облысында

- жалпы қуаты 4,95 МВт және 10 МВт болатын екі жел электр станциясы (ЖЭК) (ТОО «Jasil jel»).

Жамбыл облысында

- қуаты 20 МВт болатын күн электр станциясы (ТОО «HEVEL KAZAKHSTAN»).

Алматы облысында

- қуаты 3 МВт болатын су электр станциясы (ТОО «ВЭС Толкын»).

Жетісу облысында

- қуаты 14,9 МВт болатын су электр станциясының құрылысы (ТОО «Baskan Power»).

Ақтөбе облысында

- қуаты 12,5 МВт болатын жел электр станциясы (ТОО «ERG Capital Project»).

Маңғыстау облысында

- қуаты 50 МВт болатын жел электр станциясы (ТОО «Sarkylmas Kuat»).

Атырау облысында

- қуаты 48 МВт болатын жел электр станциясы (ТОО «Дивитэл»).

Энергетика министрлігі ЖЭК әлеуетін одан әрі арттыруды жоспарлап отыр. 2027 жылға дейін ел аумағында жалпы қуаты 4 500 МВт-тан асатын жобаларды жүзеге асыруға аукциондар өткізілмек.

Бүгінгі таңда Қазақстанда жалпы қуаты 2 903,7 МВт болатын 148 ЖЭК нысаны жұмыс істеп тұр. Олардың ішінде:

• Жел электр станциялары – 1 409,55 МВт (59 нысан);
• Күн электр станциялары – 1 222,61 МВт (46 нысан);
• Су электр станциялары – 269,785 МВт (40 нысан);
• Биогаз станциялары – 1,77 МВт (3 нысан).

«Үкіметаралық уағдаластықтар шеңберінде Энергетика министрлігі «Самұрық-Қазына» ҰӘҚ» АҚ - мен бірлесіп ЖЭК жобаларын іске асыруға кірісті: Жамбыл облысында Total Energies ЖЭС 1 ГВт; Жамбыл облысында Masdar ЖЭС 1 ГВт; Юнигрин Энерджи 1 ГВт; Жетісу облысында ЖЭС 1 ГВт жобасы. Жоғарыда аталған жобалар шеңберінде отандық өндіріс жабдықтарын кемінде 30% қолдану күтілуде. Ауқымды жобалар 2025 жылы құрылыс-монтаж жұмыстарын бастайды.

Қытай Халық Республикасымен ЖЭК саласындағы жобаларды іске асыру жөніндегі үкіметаралық келісімге қол қойылды, оның шеңберінде жалпы қуаты 1,8 ГВт ЖЭК объектілерін салу жоспарлануда. Осы Келісімге сәйкес үкіметаралық келісімнің контурына қосымша ЖЭК жобаларын енгізу мүмкіндігі бар.», – делінген ҚР Энергетика министрлігінің хабарламасында.