QAZAQ GREEN.  Елордада электр энергиясын сақтауға және оны тиімді таратуға мүмкіндік беретін арнайы батареялар – энергия жинақтағыштар бойынша алғашқы Ақ кітап таныстырылды, деп хабарлайды «24KZ».

Кітапта мұндай жүйелердің әлемде қалай жұмыс істейтіні, қандай технологиялар мен стандарттар қолданылатыны, сондай-ақ Қазақстанда саланы құқықтық реттеу жөніндегі кеңестер туралы барлық ақпарат қамтылған. Ақ кітап Энергетика министрлігі және бизнес үшін нақты нұсқаулық, саланы дамыту туралы қадамдық нұсқаулық болмақ.

Айта кетейік, елімізде қуаты 4,5 мегаватқа жуық энергияны сақтау жүйесін орнату жобасы іске қосылады. Бұл Қазақстанда осындай технологияларды кеңінен қолдануға бағытталған маңызды қадам болмақ.

 «Осындай халықаралық сленг – Ақ кітап әзірленді. Кітап халықаралық тәжірибені, осы саланың, дәл энергияны сақтаудың тетігін және т.б. зерделейді. Сондықтан біз мұндай еңбекті құптаймыз. Қарапайым сөзбен айтқанда, бұл біздің елімізде дәл осы бағытты дамытуға дайындық», – деді ҚР энергетика вице-министрі Сұңғат Есімханов.

Ақ кітапты осы сілтеме арқылы оқуға болады.