QAZAQ GREEN.  Zayed Sustainability Prize, тұрақты даму саласындағы БАӘ беделді халықаралық сыйлығы 2026 жылғы конкурсқа қатысуға өтінімдерді қабылдаудың басталғанын жариялады. 2025 жылдың 23 маусымына дейін әлемнің түкпір-түкпіріндегі шағын және орта бизнес, коммерциялық емес ұйымдар мен орта мектептер сыйлықтың ресми сайтында өтініш бере алады.

Алты бағыт бойынша қатысуға болады: «Денсаулық сақтау», «Азық-түлік», «Энергетика», «Сумен жабдықтау», «Климаттың өзгеруіне қарсы күрес» және «Жаһандық орта мектептер». Алғашқы бес санаттағы жеңімпаздар өз бастамаларын жүзеге асыру немесе масштабтау үшін 1 млн АҚШ долларынан алады. Мектептер санатында алты жеңімпаз таңдалады – әлемнің әр аймағынан бір-бірден, әр мектеп 150 000 АҚШ долларына дейін алады.

БАӘ өнеркәсіп және озық технологиялар министрі және сыйлықтың бас директоры доктор Сұлтан Ахмед Аль Джабердің айтуынша, Zayed Sustainability Prize «шейх Заидтың оның қақ жүрегінде – адам тұрған әділ, инклюзивті және тұрақты дамуға деген ұмтылысын білдіреді».

2025 жылы Абу-Дабиде тұрақты даму апталығы аясында өткен салтанатты шарада Қазақстан президенті Қасым-Жомарт Тоқаев, Өзбекстан президенті Шавкат Мирзиёев және Әзірбайжан президенті Ильхам Алиев жеңімпаздарды құттықтады.

Қазылар алқасының төрағасы, Исландияның экс-президенті Оулавюр Рагнар Гримссон атап өткендей: «Жеңімпаздар климаттың өзгеруіне қарсы күрес және денсаулық сақтаудан бастап таза су мен азық-түлікке дейінгі негізгі тауарларға қолжетімділікті кеңейту бойынша нақты шешімдерді көрсетеді. Олардың жұмысы бізді тұрақты даму мақсаттарына жетуге жақындатады».