QAZAQ GREEN.  2025 жылдың маусымы Еуропа энергетикасында тарихи өзгерісті белгіледі: күн генерациясы барлық басқа көздерді басып озып, ЕО электр энергиясын өндіру құрылымында бірінші орынды иеленді. Энергетика саласындағы зерттеулерге мамандандырылған Ember талдау орталығы осындай деректерді жариялады.

Маусым айында күн энергиясы ЕО электр энергиясының 22,1%-ын қамтамасыз етті

2025 жылдың маусымында ЕО-дағы электр энергиясының жалпы көлемінің 22,1%-ын (45,4 ТВт∙сағ) күн энергиясын құрады – бұл кез- келген басқа көздерден жоғары және 2024 жылдың маусымынан 22%-ға артық.

Екінші орында – атом генерациясы (21,8%, 44,7 ТВт∙сағ), үшінші орында – жел генерациясы (15,8%, 32,4 ТВт∙сағ).

Кем дегенде 13 ЕО елінде күн генерациясының рекордтары

Кем дегенде 13 ЕО елі маусым айында күн өндірісінің рекордтық көлемін тіркеді. Бұл күн станцияларының белсенді құрылысы мен тұрақты ыстық ауа-райының нәтижесі болды.

Күн генерациясының рекордтары айдың аяғында аптап ыстық толқынынан туындаған электр энергиясына деген сұранысты жабуға көмектесті.

Жел энергетикасы мамыр мен маусым айларындағы рекордын жаңартты

Жел парктері мамыр айында электр энергиясының 16,6%-ын (33,7 ТВт∙сағ) және маусым айында 15,8%-ын (32,4 ТВт∙сағ) өндірді. Бұл – барлық бақылау тарихындағы осы айлар үшін ең жоғары көрсеткіш.

Ауа-райының жақсаруы және оффшорлық жобаларды қоса алғанда, жаңа жел қондырғыларының іске қосылуы өсуге ықпал етті.

 Көмір өндірісі рекордтық деңгейге дейін төмендеді

2025 жылдың маусымында көмір электр энергиясының тек 6,1%-ын (12,6 ТВт∙сағ) қамтамасыз етті – бұл тарихтағы ең аз көрсеткіш және бір жыл бұрынғы 8,8%-дан да төмен.

Германия мен Польшаға ЕО-ның барлық көмір генерациясынан 79% келді. Екі ел де рекордтық төмендеуді тіркеді:

• Германия – 12,4% (4,8 ТВт∙сағ)

• Польша – 42,9% (5,1 ТВт∙сағ)

Сондай-ақ, минималды көрсеткіштер Чехияда (17,9%), Болгарияда (16,7%), Данияда (3,3%) және көмірден толық бас тартуға жақын Испанияда (0,6%) тіркелді.

 I жартыжылдықта қазба көздері үлесінің өсуі

Маусым айындағы рекордтық төмен көрсеткіштерге қарамастан, 2025 жылдың бірінші жартыжылдығында қазба отынынан электр энергиясын өндіру бір жыл бұрынғы көрсеткіштен 13%-ға жоғары болды – газ өндірісінің 19%-ға өсуі есебінен (+35,5 ТВт∙сағ).

Мұның себебі – құрғақшылық пен қолайсыз ауа-райына байланысты жылдың басында жел мен гидрогенерацияның төмен деңгейі.

Гидроэнергетика қаңтар-маусым айларында 164 ТВт∙сағ (12,5%) көлемді қамтамасыз етті, бұл 2024 жылдың сәйкес кезеңімен салыстырғанда 15%- ға төмен.

Электр энергиясын тұтыну өсуде

2025 жылдың бірінші жартыжылдығында ЕО-да 1 313 ТВт∙сағ электр энергиясы тұтынылды – бұл 2024 жылдың сәйкес кезеңімен салыстырғанда 2,2%-ға артық.

Алты айдың бесеуінде тұтыну өткен жылдың деңгейінен жоғары болды.