QAZAQ GREEN.  Ресейде жаңартылатын энергия көздерін (ЖЭК) пайдалануға беру көлемі 2025 жылдың қорытындысы бойынша 677,58 МВт құрады. 2024 жылы осындай генерацияның 445,4 МВт салынды, бұл Жаңартылатын энергетиканы дамыту қауымдастығы (ЖЭДҚ) дайындаған Ресейдің ЖЭК нарығының ақпараттық шолуынан көрінеді, деп хабарлайды ТАСС.

Нысандардың көп бөлігі 2025 жылдың төртінші тоқсанында іске қосылды. Жобалардың қатарында Краснодар өлкесіндегі Северская күн электр станциясы (КЭС), Шешенстан Республикасындағы Курчалоевская КЭС, Дағыстан Республикасындағы Дербентская КЭС бар. Сонымен қатар, Самара облысында Гражданская жел электр станциясы, Волгоград облысында Новоалексеевская ЖЭС және Дағыстан Республикасында Новолакская ЖЭС жұмысын бастады.

«2025 жылдың IV тоқсанында Ресейде ЖЭК генерациясы негізінде белгіленген қуаттың жиынтық көлемінің ұлғаюы 542,65 МВт құрады», - делінген шолуда.

Қазан-желтоқсан айларында іске қосылған күн станцияларының жалпы қуаты 127,3 МВт (ЖЭК қуатын беру туралы шартты қолдау тетігі шеңберінде) және 44,1 МВт (электр энергиясының бөлшек сауда нарығында) құрады. Салынған ЖЭС қуатының көлемі 371,25 МВт құрады.

Жаңартылатын энергетиканы дамыту қауымдастығы (ЖЭДҚ) - Ресейдің ЖЭК және төмен көміртекті сутегі секторының ең ірі және белсенді қатысушыларының мүдделерін білдіретін коммерциялық емес ұйым.