2023 ЖЫЛҒЫ 21-25 ТАМЫЗ АРАЛЫҒЫНДА БУНДЕСТАГ ДЕПУТАТЫ ДОКТОР КРИСТИАНЕ ШЕНДЕРЛЯЙН ҚАЗАҚСТАНҒА САПАРМЕН КЕЛДІ. САПАР БАРЫСЫНДА ҚР ПАРЛАМЕНТІНІҢ ДЕПУТАТТАРЫМЕН, САЯСИ ПАРТИЯЛАРМЕН, ҚОҒАМДЫҚ БІРЛЕСТІКТЕРМЕН, ҚАУЫМДАСТЫҚТАРМЕН, БҰҚАРАЛЫҚ АҚПАРАТ ҚҰРАЛДАРЫМЕН, УНИВЕРСИТЕТТЕРМЕН КЕЗДЕСУЛЕР ӨТТІ. САПАР ҚАЗАҚСТАН РЕСПУБЛИКАСЫНДАҒЫ КОНРАД АДЕНАУЭР ҚОРЫНЫҢ ҚОЛДАУЫМЕН ӨТТІ.

22 тамызда өткен «Qazaq Green» ЖЭК қауымдастығындағы кездесуде Қазақстан Республикасының энергетикалық көшуінің өзекті мәселелері және Германияның «жасыл» энергетиканы дамытудағы тәжірибесі талқыланды.

Шендерляйн ханым өзінің кіріспе сөзінде атап өткендей, қазіргі уақытта Германияда электр энергиясының жартысына жуығы жаңартылатын энергия көздерінен өндіріледі. Электр энергиясын өндірудің жалпы көлеміндегі көмір станцияларының үлесі шамамен 30%-ды кұрайды. Бұған қоса, ағымдағы жылдың сәуір айында Германия соңғы атом станцияларын желіден ажыратты. Еуропадағы энергетикалық дағдарыс пен электр энергиясы бағасының өсуі аясында генерация кұрылымы мәселесі өзекті болып табылады және қоғамда кеңінен талқыланады.

Өз кезегінде, Qazaq Green Директорлар кеңесінің төрағасы Нұрлан Қапенов Қазақстандағы ЖЭК дамуы және елдің энергожүйесінің алдында тұрған проблемалар, сондай-ақ болашақта секторды дамыту жөніндегіжоспарлар туралы айтып берді. Еліміздің электр энергетикасы саласындағы ағымдағы жағдай ЖЭК дамуын тежейтіні атап өтілді. Әлеуметтік факторлар және дәстүрлі көздер есебінен электр энергиясының төмен тарифтері де көміртегі бейтараптығына қол жеткізуге бағытталған саясатты жүзеге асыру кезінде ескеру қажет маңызды факторлар болып табылады.

Тараптар энергетика, экология, білім беру және ғылыми ынтымақтастықтың кең ауқымды мәселелері бойынша пікір алмасты.