2000 жылы негізі қаланған LONGi компаниясы кли­ентке бағдарланған құндылықтарды құруға ерекше назар аудара отырып, күн технологиясы бойынша әлемдегі жетекші компания болуға ұмтылады.

Бұл ең ірі қытайлық күн компаниясы өзін технологиялық инновацияларға арнады және монокремний плиталарын, элементтер мен модульдерді, коммерциялық және өнеркәсіптік үлестірілген күн жобаларын, экологиялық таза энергия шешімдерін және сутегі жабдықтарын қамтитын бес бизнес секторын құрды. Компания экологиялық таза энергиямен қамтамасыз ету саласында бай тәжірибе жинақтады, жақында көміртектің нөлдік шығарындысымен жаһандық дамуды қолдау үшін экологиялық таза сутегі өнімдері мен жобаларын енгізді.

2021 жылы LONGi компаниясы 70,01 ГВт деңгейінде пластиналарды жөнелтуге қол жеткізді және 38,52 ГВт монокристалды модульдерді жіберді. Ал сатудың жаһандық көрсеткіштері, нарық үлесі және бренд ықпалы бойынша компания әлемде 1-орынға ие болды. Ішкі және экспорттық модульдерді жеткізудің жалпы көлемі 2-орынды иеленген компанияны 10 ГВт-қа асып түсті.

2022 жылы LONGi пластиналар мен модульдерді жөнелтуді 90-100 ГВт (оның ішінде ішкі пайдалану үшін) және 50-60 ГВт (оның ішінде ішкі пайдалану үшін) дейін ұлғайтуды жоспарлап отыр, бұл бүкіл әлемде жаңартылатын энергетиканың дамуына қуатты серпін береді. Әлемде, әсіресе Орталық Азияда энергетикалық ауысуды жақсы ілгерілету үшін LONGi «Qazaq Green» ЖЭК қауымдастығына кіруге өтінім берді.

«Біз жаңартылатын энергетиканың дамушы нарығы ретінде Қазақстанды қызықтырамыз. Сіздің еліңіз ЖЭК бойынша өршіл мақсаттар қойды және LONGi Solar компаниясы осындай жобаларды іске асыруға қатысуға дайын екенін білдіреді. «Qazaq Green» ЖЭК қауымдастығына қатысуымыз жергілікті нарықты тереңірек түсінуге және оған табысты ықпалдасуға мүмкіндік беретініне сенім білдіреміз», деп атап өтті LONGi Solar компаниясының сату жөніндегі бас директоры Алекс Ли.

«Қазақстан өңірдегі жаңартылатын энергия көздерін дамыту бойынша көшбасшылардың бірі. Қазіргі уақытта елімізде жалпы белгіленген қуаты 2180 МВт болатын 139 ЖЭК нысаны жұмыс істейді. Оның ішінде 53 нысан бұл қуаттылығы 1148 МВт күн электр станциялары. 2035 жылға дейінгі болжамды теңгерімде ЖЭК 6 ГВт-тан астам қуаттарын іске қосу көзделген. Тек осы жылдың өзінде ҚР Энергетика министрлігі жиынтық қуаты 690 МВт, оның ішінде күн электр станциялары бойынша 60 МВт аукциондар өткізуді жоспарлап отыр. Сондықтан біздің елге және «Qazaq Green» ЖЭК қауымдастығына LONGi Solar сияқты күн электр станцияларына арналған генерациялайтын жабдықтарды өндіру бойынша әлемдік алыптар тарапынан қызығушылық заңды болып табылады. LONGi Solar компаниясымен осы бағытта жұмыс істейміз», деп атап өтті Qazaq Green Директорлар кеңесінің Төрағасы Нұрлан Қапенов

Компанияның штаб-пәтері Сиан қаласында (Қытай) орналасқан. Компанияның маркетинг және сату орталығы Шанхайда орналасқан, сату кеңселері Жапония, Үндістан, Австралия, Еуропа, АҚШ, Бразилия және Таяу Шығыста жұмыс істейді. LONGi Solar компаниясы зерттеулер мен әзірлемелерге, монокристалды кремний өнімдерін өндіруге, сатуға және маркетингіне ерекше назар аудара отырып, LCOE ең үздік шешімдерін ұсынуға, сондай-ақ бүкіл әлемде монокристалды технологияны енгізуге ықпал етеді.