QAZAQ GREEN. Астанада 2024 жылғы 17-19 қыркүйек аралығында өтетін «Орталық Азия мен Каспийдегі мұнай-газ химиясы және мұнай өңдеу» 11-ші жыл сайынғы конференциясының бағдарламасы жарияланды.

Биылғы жылы тұрақты даму, көміртексіздендіру, сутегі өндірісіндегі операциялық тиімділік және инновация сияқты маңызды тақырыптарға баса назар аударылып, олардың өңір үшін маңыздылығы атап өтіледі.

Негізгі спикерлер мен қатысушылар арасында: ҚазМұнайГаз, KMG PetroChem, Uzbekistan GTL, QazaqGaz, KPI және басқаларын қоса алғанда, Орталық Азия мен Каспийдегі жетекші мұнай-газ және мұнай-химия компанияларының басшылары. Сондай-ақ, энергетика, инвестициялар, технологиялар және басқа да салалар бойынша сарапшылар қатысады деп күтілуде.

Қатысушылар жаһандық трендтердің өңірлік мұнай-газ химиясы секторына әсерін, оны көміртексіздендіру және операциялық тиімділікті арттыру жолдарын талқылайды. Жеке сессия жаңа жобалар, инвестициялық мүмкіндіктер мен технологиялық шешімдер ұсынылатын осы перспективалы бағытқа арналады. Қазақстан, Өзбекстан және Түрікменстандағы жаңа ірі жобалар инвестициялық жоспарлар мен технологиялық шешімдерге егжей-тегжейлі шолумен қоса ұсынылады.

Таза сутегі өндірісіне ерекше назар аударылады. Қазақстан Республикасының энергетика министрлігі Сутегі энергетикасын дамытудың 2040 жылға дейінгі тұжырымдамасының жобасын әзірледі. Бұл мәселелер негізгі конференцияның алдындағы «Орталық Азия және Каспийдегі сутегі» арнайы бизнес-саммитінде талқыланады.

Конференцияны Globuc компаниясы ұйымдастырады, қатысу шарттары туралы іс-шара сайтынан білуге болады.

Естеріңізге сала кетейік, «Орталық Азия және Каспийдегі мұнай-газ химиясы және мұнай өңдеу» жыл сайынғы конференциясы 11 жылдан бері өткізіліп келеді. Бұл - тәжірибе алмасуға және жергілікті әрі халықаралық ойыншылар арасында инновациялық технологияларды ұсынуға арналған платформа. Осы уақыт ішінде іс-шара өңірдің негізгі қалалары - Ташкент, Баку, Алматы және Астанада өтті.

Қазақстан Үкіметі мұнай газ өнеркәсібі саласында 2023 жылдан 2027 жылға дейінгі кезеңге арналған ауқымды даму жоспарын бекітті, оның аясында жалпы инвестиция көлемі 37,3 миллиард долларды құрайтын 20 негізгі бастама қарастырылған. Бұл елге әлемдік нарықтағы жетекші ойыншы мәртебесін береді және оны халықаралық салалық іс-шараларды өткізудің стратегиялық алаңына айналдырады.