Орталық Азия жаңалықтары02.02.2023
ЕАДБ Қырғызстанда қуаты 100 МВт болатын ГЭС құрылысын қаржыландырады
QAZAQ GREEN. Еуразиялық даму банкі (ЕАДБ) және «Нарын «өндірістік кәсіпорны» ЖШҚ Қырғыз Республикасында қуаты 100 МВт болатын «Құланақ» ГЭС-ін салу мен пайдалануды қаржыландыру шартын жасасты. Құжатқа ЕАДБ басқарма төрағасының орынбасары Руслан Дәленов пен «Нарын» өндірістік кәсіпорны» ЖШҚ директоры Кутубай Мурзабаев қол қойды, деп хабарланған банктің сайтында.
«Құланақ» СЭС құрылысы — ЕАДБ-ның «Орталық Азияның су-энергетика кешені» негізгі инвестициялық мегажобасын іске асырудың жаңа кезеңі.
«Құланақ» гидроэлектростанциясының қуаты 100 МВт құрайды, электр энергиясын жылдық орташа өндіруі 435 млн кВт/сағ. Жаңартылатын энергия көздерінің (ЖЭК) жаңа объектісі Қырғыз Республикасының Нарын облысындағы Құланақ ауылының маңындағы Нарын өзенінде, жалпы ауданы 485,41 га аумақта орналастырылатын болады.
«Құланақ» ГЭС-ін іске қосу Қырғызстанның Орталық Азиядағы электр энергиясы нарығындағы позициясын нығайтуға, оның ішінде қуаты 40 МВт болатын бір ғана ГЭС жұмыс істейтін аймақтағы энергия тапшылығын қысқартуға, сондай-ақ елдің энергетикалық қауіпсіздік деңгейін арттыруға мүмкіндік береді.
Нысанды салу және пайдалану кезеңінде 835 жаңа жұмыс орны құрылады, бұл өзінің оң әлеуметтік әсерін береді.
ЕАДБ техникалық жәрдемдесу қорының қаражаты есебінен жоба Несиелендіру нарығы қауымдастығының (Loan Market Association) несиелендіру халықаралық қағидаттарына сәйкес «жасыл» ретінде верификацияланды. Бұл ретте оны іске асыру жылына 346,4 мың тонна парниктік газдардың шығарылуын болдырмауға мүмкіндік береді.
«Құланақ» ГЭС-і Қырғыз Республикасында ЕАДБ елдік стратегиясын іске асыру аясындағы ірі жоба ғана емес, ЕАДБ «Орталық Азияның су-энергетика кешені» мегажобасының маңызды буындарының бірі болып табылады. Қырғызстанда жаңа 100 МВт генерацияны енгізу елдің энергетикалық жүйесіндегі қуат тапшылығын азайтады. Бұл сондай-ақ Орталық Азияның барлық елдерінде жаппай іске қосу жоспарланған күн станциялары мен жел генерациясының жұмысына байланысты жүктеменің тәуліктік кестесін реттеу мүмкіндігіне де оң әсерін тигізеді», - деді ЕАДБ басқарма төрағасының орынбасары Руслан Дәленов.
Руслан Дәленов атап өткендей, ГЭС құрылысы Қырғызстандағы электр энергиясының тапшылығын азайтуға және суармалы егіншілік үшін су қоймаларының жұмыс режимін жақсартуға мүмкіндік береді. Жаңа ГЭС-ті іске қосу өңірдегі ауыл шаруашылығы мақсатындағы суармалы жерлердің ауданын 1,5 есеге, 6 769 га дейін ұлғайтады.
Жобаның құны 117 989 262 АҚШ долларын құрайды. Сондай-ақ, «Құланақ» ГЭС-ін салу мен пайдалануды қаржыландыруға Ресей-Қырғыз Даму Қорының (РҚДҚ) қатысуы жоспарлануда. ЕАДБ және РҚДҚ жобаны тепе-тең негізде қаржыландыруды жоспарлап отыр. Жобаны мемлекет белсенді қолдайды. Атап айтқанда, ол Қырғыз Республикасы Министрлер Кабинетінің 2026 жылға дейінгі ұлттық даму бағдарламасын іске асыру жөніндегі іс-шаралар жоспарына енгізілген.
Acwa Power Қазақстанның Каспий маңы аймағында ЖЭК жобасын құрмақ
2024 жылы Жетісуда жаңартылған энергия көздері бағытында 4 жоба іске қосылады
ЕАЭО-ның энергетикалық перспективалары көміртексіздендіруге ауысуды және климаттық күн тәртібінің басымдығын ескеруі тиіс
SNSF: Швейцариядан тік жел турбиналары электр энергиясын көбірек өндіруге қабілетті
ХЭА энергия ауысуын жеделдету үшін аккумуляторлардың арзандауына үміттенеді
Грузияда қалқымалы күн электр станциясы ашылды
Латвияда үлгілік емес жылыту шешімі бар үйлер пайдалануға берілді
Ғалымдар қайта өңделетін материалдардан қалақтарды 3D басып шығаруды әзірлеуде
Қытайда теңіз КЭС құрылысына рұқсат етілген теңіз аймақтары анықталды
1 миллионға жуық американдық отбасы күн батареясынан қуат алады
Мәжіліс жаңартылатын энергия көздеріне қатысты заңды қабылдады
Вильнюс қаласында Литвада өндірілген алғашқы күн батареясы ұсынылды
Айнұр Соспанова: Екіжақты шарттар нарығының жұмысын реттейтін нақты ережелер қажет
ГЭС, ЖЭС құрылысына ЖЭК аукциондық сауда-саттығына қатысушылардың тізіліміне енгізу үшін құжаттарды қабылдау басталды
JinkoSolar энергияны жинақтау бойынша 1-деңгейдегі BNEF тізіміне енді
Жапония 2025 жылы ғарыштан Жерге күн энергиясын беруді жоспарлап отыр
АҚШ-та шойын мен болатты тазарту технологияларын әзірлеуге 28 миллион доллар бөлінеді
Австралия қараусыз қалған көмір шахтасында қуаты 1 ГВт ГЭС салуды жоспарлап отыр
Apple жаңартылатын энергия көздері мен су ресурстарының тұрақтылығына күш салуда
Еуропада екі мемлекет жел генераторларының қуатын арттырудың арқасында 100% жаңартылатын энергиямен қамтамасыз етілді