QAZAQ GREEN. Qazaq Green ЖЭК қауымдастығы «Қазақстанның энергетикалық қауіпсіздігі: төмен көміртекті көшу» тақырыбында Qazaq Green Fest 2023 II Халықаралық іскерлік фестивалін 2023 жылдың 25-26 мамыры аралығында Бурабайдағы Rixos Borovoe қонақ үйінде өткізетінін хабарлады.

Фестивальге мемлекеттік органдар мен ұйымдардың өкілдері, отандық және шетелдік инвесторлар, халықаралық ұйымдар мен қаржы институттары, халықаралық сарапшылар және сала өндірушілері, қауымдастықтар мен университеттерінің танымал әлемдік көшбасшылары қатысады.

Қатысушылар мен спикерлер сессиялар барысында келесі тақырыптарды талқылайды:

- Әлемдік энергетикалық көшу: Қазақстан үшін сын-қатерлер және көшбасшы елдердің тәжірибесі

- Қазақстандағы «жасыл» күн тәртібін дамытудың мемлекеттік саясаты және стратегиялық пайымы

- Қазақстанның энергетикалық қауіпсіздігін қамтамасыз ету мәселелері

- Қазақстандағы «жасыл» қаржыландыру: ЖЭК жобалары үшін қолжетімді несиелеудің болмауы мәселесі

- ESG саясаты: гендерлік аспектілер және корпоративтік басқару

- Көміртегі нарықтары: Қазақстандағы халықаралық тәжірибе және даму перспективалары

- «Ашық микрофон»: бизнес ЖЭК саласының проблемалары туралы

Фестиваль аясында ұйымдастырушылар балалар үйіндегі балаларға арналған қайырымдылық акциясын, ЖЭК бойынша журналистер материалдарының байқауын, сала көшбасшыларының және Қазақстандағы ЖЭК негізгі ойыншыларының көрмесін өткізеді.

Фестиваль соңында қазақстандық жұлдыздардың өнер көрсетуімен көл жағасында Open Air форматындағы гала-кеш өтеді.