QAZAQ GREEN.  Еуразиялық даму банкі (ЕАДБ) және Жаңартылатын энергия көздері жөніндегі халықаралық агенттік (IRENA) Абу-Дабидегі IRENA штаб-пәтерінде өткен кездесуде жасыл энергетика саласындағы ынтымақтастықты талқылады.

ЕАДБ сайтында хабарланғандай, басты назарда – жаңартылатын энергетика жобаларына инвестициялар тартуға бағытталған IRENA Climate Investment Platform (CIP) және IRENA Energy transition Accelerator Financing Platform (ETAF) платформалары шеңберінде бірлескен жұмыс.

CIP және ETAF қаржылық ресурстарды жұмылдыру және ЖЭК саласында перспективалы бастамаларды жүзеге асыру үшін серіктестер табу үшін құрылған. Бұл платформалар аккредиттелген ұйымдарға жаңа жобаларды табуға, сондай-ақ бұрыннан бар жобаларға инвестиция тартуға мүмкіндік береді.

ЕАДБ осы жылдың қаңтар айында CIP платформасына қосылды және IRENA-мен ынтымақтастық банктің жаңартылатын энергетика саласындағы жобалар портфелін кеңейтуге және Орталық Азияда сектордың дамуын жеделдетуге көмектеседі деп күтеді.

Бүгінгі таңда ЕАДБ инвестициялық портфелінде 16,5 млрд АҚШ доллары сомасына 305 жоба бар. Бұл бастамалардың едәуір бөлігі көлік инфрақұрылымымен, цифрлық технологиялармен, ауыл шаруашылығымен, өнеркәсіппен және жасыл энергетикамен байланысты.

IRENA, өз кезегінде, елдерді тұрақты энергия көздеріне көшуде қолдайды және осы саладағы халықаралық ынтымақтастықтың жаһандық платформасы ретінде қызмет етеді. Ұйым қаржыландыруға, технологияларға және сараптамалық білімге қол жеткізуді қамтамасыз ете отырып, жаңартылатын энергия көздерін енгізуге ықпал етеді.

ЕАДБ мен IRENA ынтымақтастығы қосымша инвестициялар тарту және экологиялық таза жобаларды іске асыруды жеделдету арқылы аймақтағы тұрақты энергетиканы дамытудағы маңызды қадам болуы мүмкін.