QAZAQ GREEN.  Қазақстан Президенті Қасым-Жомарт Тоқаев Алмасадам Сәтқалиевті жаңадан құрылған Қазақстан Республикасының Атом энергиясы агенттігінің төрағасы етіп тағайындады, деп хабарлайды Ақорда.

«Мемлекет басшысының Жарлығымен Алмасадам Майданұлы Сәтқалиев Қазақстан Республикасы Атом энергиясы жөніндегі агенттігінің төрағасы болып тағайындалды, ол бұрынғы атқарған лауазымынан босатылды», – деп хабарлады Ақорданың Telegram-арнасы.

Алмасадам Сатқалиев 1970 жылы Алматы қаласында дүниеге келген. Әл-Фараби атындағы Қазақ мемлекеттік университетін механик мамандығы бойынша, Ресей Федерациясы Президенті жанындағы Халық шаруашылығы және мемлекеттік қызмет академиясын экономика магистрі дәрежесімен, Назарбаев Университетінің Жоғары бизнес мектебін менеджерлерге арналған іскерлік басқару магистрі (MBA) бағдарламасы бойынша және Стенфорд университетінің Жоғары бизнес мектебін (2016) басшыларға арналған бағдарламасы бойынша тәмамдаған.

Еңбек жолында «ҚазТрансОйл» АҚ, «KEGOC» АҚ, «Самұрық» АҚ, «Самұрық-Қазына» АҚ, «Самұрық-Энерго» АҚ, KAZENERGY ЗТБ сияқты ірі ұйымдарда қызмет атқарды. 2007 жылы Қазақстан Республикасы Энергетика және минералдық ресурстар министрінің орынбасары болған.

2023 жылғы 4 сәуірден бастап бүгінге дейін Қазақстан Республикасының Энергетика министрі қызметін атқарды.