QAZAQ GREEN. Ерлан Ақкенженов Қазақстан Республикасының Энергетика министрі болып тағайындалды. Тиісті жарлыққа Мемлекет басшысы Қасым-Жомарт Тоқаев қол қойды.

" Ерлан Құдайбергенұлы Ақкенженов Қазақстан Республикасының Энергетика министрі лауазымына тағайындалсын", деп 2025 жылғы 19 наурызда Ақорда сайтында жарияланған.

Ерлан Ақкенженов 1979 жылы Алматы қаласында дүниеге келген. «Әділет» Жоғары құқық мектебін «құқықтану» мамандығы бойынша, сондай-ақ «Астана» университетін «мұнай-газ ісі» мамандығы бойынша бітірген.

Еңбек жолын 2002 жылы «ҚазМұнайГаз» Сауда үйі» ЖШС-де бас маман болып бастаған. Кейін сол компанияда бас менеджер және мұнай мен мұнай өнімдерін экспорттау департаментінің директоры қызметтерін атқарған.

2004-2006 жылдары Ұлыбританиядағы «Қылыш» бағдарламасы бойынша Chevron Texaco Global Trading компаниясында шикі мұнай трейдері болып жұмыс істеген, кейін Сингапурдағы «KazMunaiGaz Singapore» сауда бөлімінің директоры қызметін атқарған.

2006-2012 жылдары «ҚазМұнайГаз» Сауда үйі» АҚ-да мұнай мен мұнай өнімдерін экспорттау департаментін басқарды, «Қазақойл Актөбе» ЖШС-нің коммерциялық директоры, сондай-ақ «ҚазМұнайГаз Өнімдері» АҚ Бас директорының кеңесшісі болды.