QAZAQ GREEN. 2024 жылы Якутияда үш заманауи энергетикалық нысан пайдалануға беріледі. Оймякон ауданының Оймякон, Куйдусун және Орто-Балаған ауылдарында автоматтандырылған гибридті энергия кешендері (АГЭК) салынуда, деп хабарлайды YakutiaMedia ақпарат агенттігі.

Бұл нысандар жаңартылатын энергия көздеріне (ЖЭК) негізделген заманауи технологияларды пайдалана отырып, құрылуда. Әрбір энергия кешені тиімділігі жоғары дизельді электр станциясынан, күн электр станциясынан және бірыңғай автоматтандырылған басқару жүйесімен біріктірілген энергияны сақтау жүйесінен тұрады.

Күн электр станциялары мен үнемді дизель генераторларының көмегімен органикалық отын импортын едәуір қысқартуға және қоршаған ортаға теріс әсерді азайтуға мүмкіндік береді.

АГЭК-тің құрылысын Русгидромен Шығыс экономикалық форумында қол қойылған келісім аясында іске асырылады. Барлығы 73 нысан салу жоспарланып отыр.

«Жаңа гибридті энергия кешендері елді мекендерге арзан әрі экологиялық таза электр энергиясымен сенімді қамтамасыз етеді. Якутияда автоматтандырылған станциялардың құрылыс жұмыстары жалғасады», - деді Якутия басшысы Айсен Николаев.

Бұған дейін осындай жобалар Ұлахан-Күл, Құлын-Елбют, Хонуу, Чумпу-Кытыл, Сасыр ауылдарында және Верхоянск қаласында сәтті жүзеге асырылды. Олар отын (дизель) шығынын 1400 тонна азайтуға мүмкіндік берді.

Ағымдағы жылдың қыркүйек айында Олекмин ауданының Урицкое, Дабан және Саныяхтах ауылдарында, сондай-ақ Томпон ауданының Тополиное ауылында жалпы қуаты 3,7 МВт болатын АГЭК пайдалануға берілді.

Бұл елді мекендер орталықтандырылған энергиямен жабдықтаудан оқшауланған, ал қыс мезгілінде температура минус 50 градустан төмен түседі, бұл жергілікті тұрғындардың өмірі мен қауіпсіздігі үшін энергиямен жабдықтаудың сенімділігін қамтамасыз етуді қажет етеді.