QAZAQ GREEN. Түркия 2035 жылға қарай жаңартылатын энергия көздері (ЖЭК) саласында белгіленген қуатты 60 мың МВт шамасына арттыруды жоспарлап отыр.

Бұл туралы Түркияның энергетика және табиғи ресурстар министрі Алпарслан Байрактар «X» әлеуметтік желісінде жазды, деп хабарлайды Report.

«Сәуір айында біз күн және жел энергиясын өндіруде жаңа рекордтарды жаңарттық. Біз 2035 жылға қарай жаңартылатын энергияның белгіленген қуатын 60 мың мегаватқа арттыруды көздеп отырмыз», - деп жазды ол.

Министр сәуір айында күн сәулесінен электр энергиясын өндіру 2,4 миллиард киловатт-сағатқа жетіп, бір ай ішінде рекордты жаңартқанын атап өтті: «Өткен айда электр энергиясын өндірудің жалпы көлеміндегі күн энергиясының үлесі 10%-ға жетті. Жел энергиясын өндіруде ай сайынғы рекорд орнады - 3,2 миллиард киловатт-сағат».

Министрдің айтуынша, ЖЭК негізіндегі электр энергиясын өндірудің жалпы көлемі барлық уақыттағы ең жоғары деңгейге - 15,5 миллиард киловатт-сағатқа жетті.