QAZAQ GREEN. Биыл Қытай 230 ГВт-тан 260 ГВт-қа дейін күн энергиясын өндіру қуатын орнатады, деп мәлімдеді Қытайдың Фотоэлектрлік өнеркәсіп қауымдастығының төрағасы Ван Бохуа. Бұл өткен жылғы 217 ГВт рекордынан асып түседі, деп хабарлайды OilCapital Bloomberg-ке сілтеме жасап.

Ванның айтуынша, ҚХР-дағы шөлді аймақтарда электр станцияларының қарқынды дамуы және шатырларға күн панельдерін орнатуды қолдау шаралары күн энергетикасының даму қарқынын бұрын күтілгеннен де жеделдетуде. Бұл туралы ол Ибин қаласында өткен жыл сайынғы конференцияда айтты. Сонымен қатар, электр энергиясын шалғайдағы сұраныс орталықтарына жеткізуге мүмкіндік беретін желілердің құрылысы да жеделдеп жатыр.

Қытайда күн панельдерінің бағасының төмендеуі өндірушілердің өнім құнының жыл басынан бері 45%-ға немесе 570 млрд юаньға ($78 млрд) төмендеуіне әкелді, деді Ван. Сондай-ақ, экспорттаушылар да зардап шекті: шетелдік сатылымдардың құны жыл басынан қазан айына дейін 35%-ға төмендеп, $28 млрд-ты құрады.