QAZAQ GREEN. Әлемдегі ең ірі Фэннин сорапты жинақтаушы гидроэлектр станциясы толықтай жұмыс істей бастады. Ол Қытайдың Хэбэй провинциясындағы Чэндэ қаласында орналасқан деп хабарлайды Синьхуа.

Станцияны Қытайдың Мемлекеттік электр желілері корпорациясы басқарады және оның жалпы орнатылған қуаты 3,6 миллион киловатт. Жылына 6,61 миллиард киловатт-сағат электр энергиясын өндіре алады.

Компанияның мәліметінше, 2021 жылы алғашқы блоктары іске қосылғаннан бері станция шамамен 8,62 миллиард киловатт-сағат электр энергиясын өндірді.

Қалпына келетін энергия көздерінен қуат жинаудың озық технологиясы болып табылатын су аккумуляторлары Қытайдың «жасыл» энергетикаға көшуін жеделдетуде маңызды рөл атқарады.

Фэннин (Fengning) станциясы жылына 480 800 тонна стандартты көмірді үнемдеп, көмірқышқыл газының шығарылуын 1,2 миллион тоннаға азайтады деп күтілуде. Бұл елдің энергия тиімділігі мен экологиялық тұрақтылық мақсаттарына қол жеткізуде маңызды үлес болады деп атап өтті компания.