QAZAQ GREEN. IRENA Халықаралық жаңартылатын энергетика жөніндегі агенттігі аналитикалық  баяндамасын, жариялап, онда қазіргі жаһандық дағдарыс аясында энергетикалық қауіпсіздік пен тұрақтылықты қамтамасыз етудегі жаңартылатын энергия көздерінің стратегиялық рөлін негіздейді.

Баяндама үкіметтерге арналған және елдерді энергетикалық нарықтардағы тұрақсыздықтың салдарынан қорғауға және экономикалық қалпына келуде, қазба отынынан тәуелсіздікті арттыруға бағыттауға мүмкіндік беретін қысқа және ұзақ мерзімді шаралар жиынтығын қамтиды.

Агенттіктің деректері бойынша, ЖЭК көмірсутек импортына тәуелділікті қазірдің өзінде, Испания мен Португалиядан Қытайға, Үндістанға және Пәкістанға дейін, азайтып келеді.  2025 жылы әлемде рекордтық 692 ГВт жаңа жаңартылатын энергия қуаты іске қосылады. Бұл ретте, жаңа ЖЭК 85%-дан астамы ұқсас қазба отынымен жұмыс істейтін қуаттылықтарға қарағанда арзанға түседі. 2010 жылдан бері күн энергиясын өндіру құны 87%-ға, жердегі жел энергиясын өндіру құны 55%-ға, ал энергия жинақтау құны 93%-ға төмендеді.

IRENA бас директоры Франческо Ла Камера қазіргі дағдарыс ЖЭК дамыту енді экологиялық күн тәртібі емес, ұлттық қауіпсіздік мәселесі екенін айқындайтынын атап өтті. Оның айтуынша үкіметтер шұғыл түрде инвестициялар мен дағдарысқа қарсы шараларды жаңартылатын энергия көздерін енгізуді жеделдетуге және түйінді экономикалық салаларды электрлендіруге бағыттауы қажет.

Таяу Шығыстағы жалғасып жатқан қақтығыс әлі де мұнай мен газға тәуелді энергетикалық жүйелердің құрылымдық осал тұстарын жайып салды. Оның салдары энергетикалық нарықтардың шегінен шығып, халықтың ең осал топтарына соққы бере отырып, инфляцияны арттырады және экономикалық белсенділікті баяулатады.

Кезек күттірмес шаралардың қатарында агенттік таратылған генерацияны орналастыруды жеделдетуді, ақпараттық науқандар арқылы энергия тұтынуды азайтуды, тәулік уақыты  бойынша сараланған тарифтерді енгізуді, электрлендіруді субсидиялауды және шалғай аудандарда гибридті күн аккумуляторлы микрожелілерді кеңейтуді ұсынады. Орта мерзімді перспективада энергия жинақтауды арттыру, желілерді жаңғырту және көлікті электрлендіруді қолдау қажет. Ұзақ мерзімді перспективада инвестицияларды тарту және отандық жеткізу тізбектерін дамыту үшін нақты саяси негіз қалыптастыру қажет.