QAZAQ GREEN. Кубалық темекі жинау, өңдеу және илектеу компаниясы ABTT Лас-Тунас провинциясындағы фабрикаларына өндірісті электр қуатының үнемі үзілуінен қорғау үшін күн панелдерін орнатты. Енгізілген фотоэлектрлік жүйелердің жиынтық қуаты шамамен 60 киловатт құрайды, деп хабарлайды Vietnam.vn.

Жаңартылатын энергетикаға көшуге орасан зор шығындар себеп болды: тұрақсыз электр қуатымен жабдықтау салдарынан компания жыл сайын 400 000-нан астам экспорттық сигара мен ішкі нарық үшін шамамен 1,5 млн өнім данасын жоғалтады. Ақшалай есептегенде, шығын жылына 26 млн песодан асады.

Күн энергиясына алғаш болып Пуэрто-Падреге экспортқа бағытталған Vidal Navas және Maniabón зауыттары көшті. Содан кейін Лас-Тунас муниципалитетіндегі Enrique Casals зауытында фотоэлектрлік жүйелер орнатылды. Джобабодағы Lasaro Peña зауыты әрқайсысының қуаттылығы 6 киловатт болатын екі күн модулін іске қосты.

ABTT даму жөніндегі директоры Карлос Бетанкур Альмагердің айтуынша, күн панелдері біртіндеп басқа өндіріс орындарына да орнатылады. Провинциядағы сұрыптау орталығы мен тарату қоймасында осындай нысандарды салуға дайындық жұмыстары қазірдің өзінде жүргізілуде.

Күн энергиясына көшу жұмыс жағдайларын да өзгертті: бұрын жұмысшылар электр қуаты өшкен кезде үйлеріне қайтуға мәжбүр болатын, бұл олардың табысына тікелей әсер ететін. Қазір өндіріс процесі тұрақтанды.

Сонымен қатар, ABTT Куба Ауыл шаруашылығы министрлігімен бірлесіп, тоғыз өндірушінің фермаларында 18 питомник салып жатыр, онда суару үшін де фотоэлектрлік жүйелер пайдаланылатын болады.

Куба әлемдегі жетекші преалды сигара өндірушілерінің қатарына кіреді. Лас-Тунас провинциясы XVIII-ғасырдан бері темекі өсірумен айналысып келеді, бірақ соңғы жылдары бұл сала айтарлықтай құлдырауға ұшырады: егер 2017 жылы мұнда 1276 тонна шикі темекі жиналса, бүгінде өндіріс жүз тоннадан сәл ғана асады.