QAZAQ GREEN. Қырғызстанда жаңартылатын энергия көздерін (ЖЭК) дамытуды жеделдетуге ұмтылу шеңберінде үкімет мемлекеттік орман қорын пайдалануды және мемлекет меншігіндегі жер учаскелерін беруді реттеуге өзгерістер енгізді. Бұл өзгерістер ЖЭК секторында жұмыс істейтін компаниялар үшін рәсімдерді жеңілдетуге және жаңа энергетикалық жобаларды енгізуді жеделдетуге бағытталған, деп хабарлайды Akchabar министрлер кабинетінің қаулысына сілтеме жасап.

Негізгі түзетулердің қатарында – ЖЭК субъектілері үшін жобалық құжаттамадан бастап құрылыс жұмыстарының басталуына дейінгі жобалардың әр түрлі кезеңдеріне нақты мерзімдер белгіленді. Енді компанияларда орман қорының жерлерін алғаннан кейін жобалық құжаттаманы келісуге үш ай, техникалық-экономикалық негіздеме мен қаржыландыру көзін ұсынуға алты ай және құрылыс жұмыстарының басталуына бір жыл болады.

ЖЭК жобаларына берілген жер учаскелері пайдалану мақсатына байланысты әр түрлі мерзімге, соның ішінде ЖЭК пайдаланатын энергетикалық қондырғыларды салу үшін 25 жылға дейінгі мерзімге жалға берілуі мүмкін.

Сондай-ақ ЖЭК субъектілері белгіленген талаптарды орындамаған жағдайда жерді мемлекетке қайтару көзделген. Бұл шаралар жаңартылатын энергия көздері саласындағы жобалардың іске асырылуын тиімдірек бақылауға және жаңа өндіруші қуаттарды жедел енгізуді ынталандыруға мүмкіндік береді.