QAZAQ GREEN. Carbon Disclosure Project (CDP) парниктік газдар шығарындылары туралы деректерді ашу жөніндегі халықаралық жобасы «Қазатомөнеркәсіп» ҰАК» акционерлік компанияға 2023 жылдың қорытындысы бойынша А-дан F-ге дейінгі CDP мамандандырылған шкаласы бойынша «В» («басқару») деңгейінде климаттық рейтинг берді деп, Қазатомөнеркәсіп хабарлайды.

2023 жылы Қазатомөнеркәсіп алғаш рет CDP климаттық рейтингі шеңберінде «Климаттың өзгеруі» (Climate Change) бағыты бойынша деректерді ашты. «В» рейтингі компания қызметінің қоршаған ортаға әсерін тиісті басқаруды қамтамасыз ететін экологиялық менеджменттің болуын көрсетеді.

Айта кету керек, Азия аймағы үшін орташа CDP рейтингі «С», «Металлургия және тау-кен өндіру» өнеркәсібінің «Металл өңдеу» секторы бойынша «В-». Осылайша, компания өз саласы мен аймағы бойынша орташа бағадан асып түсті.

Алынған CDP бағасы компанияның қоршаған ортаға теріс әсерді азайту және алдын алу, сондай-ақ «Қазатомөнеркәсіп» ҰАК» АҚ-ның 2060 жылға дейінгі көміртекті бейтараптыққа қол жеткізу стратегиясын іске асыру жөніндегі күш-жігерін растайды, сонымен қатар компанияның барлық мүдделі тараптардың мүдделері үшін климаттық күн тәртібіндегі өз қызметінің ашықтық деңгейін арттыруға деген ұмтылысын көрсетеді.