Қазақстан жаңалықтары

Қазақстан жаңалықтары06.06.2024

Сенат жаңартылатын энергия көздеріне қатысты заңды мақұлдады

QAZAQ GREEN. Бүгін Сенаттың жалпы отырысында «Қазақстан Республикасының кейбір заңнамалық актілеріне жаңартылатын энергия көздерін пайдалануды қолдау және электр энергетикасы мәселелері бойынша өзгерістер мен толықтырулар енгізу туралы» Заңы екі оқылымда қаралып, мақұлданды, деп хабарлайды Kazinform.

«Заң жаңартылатын энергия көздері саласын жетілдіруге бағытталған.

«Қазақстан Республикасының жасыл экономикаға көшу тұжырымдамасына» сәйкес, еліміз 2030 жылға қарай жалпы электр энергиясын өндірудегі жаңартылатын энергия көздерінің үлесін 10 пайызға жеткізуі тиіс және 2050 жылға қарай жалпы электр энергиясын өндірудегі баламалы әрі жаңартылатын энергия көздерінің 50% үлесіне жетуі қажет. Дегенмен, ұлттық деректерге сәйкес, 2023 жылдың қорытындысы бойынша Қазақстанда жаңартылатын энергияның үлесі өндірілген электр энергиясының тек 6 пайызын құрады. Қарастырып отырған Заңды қабылдау осы салаға оң әсерін тигізетіні сөзсіз», - деді сенатор Әлібек Нәутиев.

Атап айтқанда, Заң электр энергиясын сататын жеке тұлғалардың нетто-тұтынушы ретінде жеке кәсіпкер болып тіркелу міндетін жояды. Бұл норма жаңартылатын энергияны пайдаланушылардың санын арттыруға, сондай-ақ электр желілеріне жүктемені азайтуға мүмкіндік береді.

Сенаттың Экономикалық саясат, инновациялық даму және кәсіпкерлік комитетінің мәліметінше, «нетто-тұтынушы» ұғымы нақтыланады – жаңартылатын энергия көздерін пайдаланатын ауқымы шағын объектіден электр энергиясын және жылу энергиясын өзінің толық әрі ішінара тұтынуын қамтамасыз ететін жеке немесе заңды тұлға.

Сонымен бірге, энергиямен жабдықтаушы ұйымның нетто-тұтынушылардан электр энергиясын сатып алу жөніндегі міндеттемелері, энергия беруші ұйымдардың нетто-тұтынушыларды электр желілеріне қосу жөніндегі міндеттемелері заңнамалық деңгейде бекітіледі. Нетто-тұтынушыларды электр энергиясын бергені үшін төлемнен босату ескерілген, сондай-ақ шағын гидроэлектр станцияларына (10 МВт дейін) электр энергиясын шекті тариф бойынша сату құқығы беріледі.

«Бұдан басқа, коммуналдық меншіктегі Өңірлік электр желілері компаниясының желілерін бюджет қаражаты есебінен кредиттеу, реконструкциялау және жаңғырту мүмкіндіктерін заңнамалық тұрғыдан бекіту энергетика саласының инфрақұрылымын жаңартуға ықпал етеді. Заңның нормалары жылу электр станцияларын жаңғырту тәртібін жетілдіруге бағытталған. Инвестициялық тартымдылықтың төмендігіне байланысты жылумен жабдықтау секторындағы қазіргі жағдайды, тарифтерді көтерудің өткір әлеуметтік маңыздылығын және Республикалық маңызы бар қалалардағы экологиялық ахуалдың нашарлауын ескеріп, сондай-ақ инвестициялық келісімдер аясында жабдықтарды газға ауыстыра отырып, жылу электр станцияларын жаңғырту мүмкіндіктері қамтамасыз етіледі», - деді депутат.

Заңды қабылдаудың оң әсерлерінің қатарына мыналарды атап айтуға болады:

- күнделікті өмірде жаңартылатын энергия көздерін белсенді енгізу,

- жаңа жұмыс орындарын құру,

- желілік инфрақұрылымды одан әрі дамыту,

- елдің энергетика секторына инвестициялар тартуға ықпал ету.

15.07.2024
Генерацияның маневрлік режимі бар қондырғыларды салу бойынша аукционға тіркеу ашық
12.07.2024
Германияда Еуропадағы ең ірі күн электр станциясы іске қосылды
12.07.2024
Фотоэлектрлік модульдердің жаңа технологиясы қала жағдайына оңтайландырылды
12.07.2024
IRENA: 2030 жылға қарай ЖЭК көлемін үш есеге арттыру үшін жыл сайын кемінде 16,4% өсім қажет
11.07.2024
Қазақстанға көмірден ЖЭК-ке ауысу тиімді
11.07.2024
Қытайдың жел және күн қуаты әлемдік қуаттан екі есе дерлік артық: есеп
11.07.2024
Мұнай-газ, ЖЭК және атом энергиясы: ШЫҰ елдері қандай энергетикалық жобаларда ынтымақтасады?
10.07.2024
Германия «жасыл» энергетика жолында бағытын өзгертуде
09.07.2024
Өзбекстан өзінің энергетикалық секторын белсенді түрде реформалауда
09.07.2024
Үшбұрышты қалқымалы жел турбиналары теңіздегі жел генерациясын арзанырақ етеді
09.07.2024
Қытайда ұзақ қызмет ету мерзімі бар тиімді перовскит күн элементін жасады
09.07.2024
АҚШ-та кез келген жерде көлікті қайта зарядтау үшін портативті күн зарядтағыш құрылғысы жасалды
08.07.2024
Қазақстан президенті «Жылу энергетикасы туралы» заңына қол қойды
08.07.2024
Қазақстанда ұзаққа созылған құлдыраудан кейін ЖЭК инвестициялары өсті
05.07.2024
Кішкентай сфералар тіпті жасанды жарықтан да қуат береді
05.07.2024
Данияның мемлекеттік теміржолдары күн энергиясын сатып алуға ниетті
05.07.2024
Қытай жел энергетикасындағы негізгі патенттер бойынша әлемде бірінші орынға шықты
04.07.2024
Ғалымдар жасыл сутегіні өндіру үшін ықшам қондырғы жасады
04.07.2024
Қытай әлемдегі ең қуатты КЭС салуды жоспарлады
04.07.2024
«ЖЭК пайдалануды қолдау туралы» ҚР заңы: 15 жылдық даму және перспективалар