QAZAQ  GREEN.  Қазахстан экономиканың электр энергиясына деген қажеттілігін 2027 жылдың басынан бастап толық жабуды, ал одан кейін тұрақты профицит қалыптастыруды жоспарлап отыр. Бұл туралы Энергетика министрі Ерлан Ақкенженов Үкімет отырысында айтты.

Бандамаға сәйкес, 2029 жылды қоса алғанда елде 13,3 ГВт жаңа энергетикалық қуат іске қосылады, оның 5,9 ГВт-ы жаңартылатын энергия көздеріне тиесілі болады. Қалған 7,4 ГВт базалық генерация құрайды. Жалпы көлемнің 12,56 ГВт-ы жаңа генерация, ал 0,74 ГВт-ы ғана қолданыстағы қуаттарды ауыстыруға бағытталған.

Бүгінгі күні Қазахстанның энергожүйесінің жалпы орнатылған қуаты 27,1 ГВт-ты құрайды. 254 энергия көзінің 172-сі жаңартылатын болып табылады. ЖЭК нысандарының жалпы орнатылған қуаты 3,8 ГВт-қа жетті.

Өткен жылдың қорытындысы бойынша генерация көлемі тарихи максимумға жетті — 123,1 млрд кВт·сағ, ал тұтыну 124,6 млрд кВт·сағ құрады. Ағымдағы жылы өндіру 126,5 млрд кВт·сағ деңгейінде болады деп болжануда.

Жоспарланған қуат профициті ішкі сұранысты жабып қана қоймай, жасанды интеллект инфрақұрылымы мен ірі деректер орталықтарын орналастыруды да қамтамасыз етеді.