Қазақстан – мұнай мен көмірге бай мемлекет. Халықтың тіршілігін өз бетінше энергиямен қамтамасыз етіп қана қоймай, оны экспортқа шығаруда. Әлемге экология және экономикалық даму саласындағы жаңа бастаманы – әлем елдері арасында «жасыл» технологияларды тарату алаңын құруға арналған «Жасыл көпір» серіктестік бағдарламасын ұсынған ел. Бұл туралы алғаш рет 2010 жылы мамырда өткен Астана экономикалық форумында Қазақстанның Тұңғыш Президенті Нұрсұлтан Назарбаев мәлімдеген болатын.

Неліктен энергетика саласында пайдалы қазбалармен қамтамасыз етілген мемлекет «жасыл» технологиялар векторын дамытуы керек сияқты? Бірақ, бұған дейін де бір емес, бірнеше рет байқағанымыздай, ел басшылығының Қазақстанның болашағына әрқашан өзіндік көзқарасы болды, ол еліміздің өзіндік даму стратегиясын белгіледі.