QAZAQ GREEN.  Гамбургте өткен конференцияда энергетика министрі Парвиз Шахбазов 2030 жылдан бастап Әзірбайжан елде өндірілген «жасыл» энергияның 70%-дан астамын Еуропаға экспорттай алатынын мәлімдеді, деп хабарлайды Vestnik Kavkaza.

Әзірбайжан 2030 жылдан бастап ел кәсіпорындарында өндірілген «жасыл» электр энергиясының 70%-дан астамын Еуроодақ елдеріне экспорттауға дайын, деп хабарлады Wind Energy Hamburg конференциясы аясында «Энергетикалық ауысу кезеңі» панельдік отырысында Әзірбайжан энергетика министрі Парвиз Шахбазов.

Электр энергиясы екі «жасыл» энергетикалық дәліз арқылы жеткізіледі – бастапқы кезеңде Еуропаға 4 ГВт «жасыл» энергия жеткізетін «Каспий-Қара теңіз-Еуропа» және Нахичеваниден 1 ГВт жаңартылатын энергия экспорттап, Каспий теңізінен және Орталық Азиядан Түркия мен Еуропаға электр энергиясын беретін «Әзірбайжан-Түркия-Еуропа», деп хабарлайды АЗЕРТАДЖ.

«Бұл жобалардың бірегейлігі – дәліздер жаңартылатын энергия жүйесінде аймақтар мен құрлықтарды байланыстырмақ. Олар Каспий және Орталық Азия аймақтары сияқты сенімді энергия көздерінен жасыл энергияны Еуропаға әр түрлі бағдарлармен жеткізу стратегиялық миссиясын орындайды. Ең бастысы, Еуропадағы жаңартылатын энергия көздерін Солтүстік және Каспий теңіздерімен теңестіруге болады. Мұның бәрі біздің еліміздің жаңартылатын энергетикалық ресурстарға көшуге және жасыл энергиямен қамтамасыз етуде өңірлік көшбасшы болуға деген шешімін көрсетеді», - деді Парвиз Шахбазов

«Жасыл энергетикалық дәліз» – осы жылдың қараша айында Әзірбайжанда өтетін SOR29 климаттық конференция Президиумының 14 бастамасының бірі, деп қосты Әзірбайжанның энергетика министрі.