QAZAQ GREEN. Жақында әлеуметтік желіде тараған дроннан түсірілген бейнежазба Қытайдың Гуйчжоу провинциясындағы күн электр станциясының керемет ауқымын көрсетті. Futurism порталына сілтеме жасай отырып, Наука ТВалып тау тізбегі көкжиектен асып түсетін панельдермен қапталған - дронның бәрін түсіру үшін қуаты да жетпеді деп хабарлады. Бұл Қытайдың күн энергиясы бойынша әлемдік көшбасшыға айналғанының айқын көрінісі.

China Daily ескі деректері бойынша Гуйчжоудағы алғашқы қондырғылар 2015 жылы ғана пайда болды, бірақ санаулы жылдар ішінде бұл өңір Қытайдың энергетикалық картасындағы маңызды нүктеге айналды. 2018 жылға қарай мұнда жылына 1,75 миллион киловатт күн энергиясын өндіріліп, бұл шамамен 1300 қытайлық үй шаруашылығын қуаттандыруға жеткілікті (орташа тұтыну - 2024 жылы бір үйге жылына 1332 кВт/сағ).

2020 жылға қарай провинцияда күн энергиясын өндіру көлемі 5 еседен астам өсіп, 10 миллион киловатттан асты. 2023 жылға қарай 15 млн. болып үлгерді.  Бұл өсімге мемлекеттік субсидиялар, арзан банк несиелері және өңірдегі қолжетімді бос жерлер себеп болды. Күрделі жер бедері мен ылғалды климатына қарамастан, бұрын ауыл шаруашылығына жарамсыз болған таулы провинция күн фермалары үшін мінсіз болып шықты.

Бұл тек жергілікті жетістік емес, ауқымды мемлекеттік стратегияның бір бөлігі. 2020 жылы Қытай 2030 жылға қарай жаңартылатын энергия көздерін өндіруді үш есеге ұлғайтуға уәде берген болатын. Ел бұл мақсатқа тезірек, 2025 жылы ақ  қол жеткізуі ықтимал.

Global Energy Monitor бағалауы бойынша 2024 жылға қарай Қытайдың үлесіне дүниежүзіндегі коммуналдық күн және жел инфрақұрылымы құрылысының 64%-ы келеді,  қуаты 339 ГВт салыну кезеңінде болды. Салыстыру үшін келесі төрт елдің – АҚШ, Бразилия, Ұлыбритания және Испанияның жалпы қуаттылығы бар болғаны 72 ГВт-ны құрайды. 2025 жылы бұл көлем тағы 10%-ға артады

Дегенмен, көміртегі бейтараптығына жол (мақсат 2060 жылға белгіленген) әлі ұзақ. Көмірді тұтынудың төмендеуіне қарамастан, ол әлі де елдегі электр энергиясының шамамен 57% -ын қамтамасыз етеді. Бірақ күн энергиясының жетістіктері даусыз:

Гуйчжоудағы алып күн электр станциясы әлеуметтік желідегі тамашалауға арналған контент қана емес, сонымен қатар жаһандық энергетикалық ландшафттың қалай өзгеріп жатқанының мысалы болып табылады.

Бейнежазба:https://www.reddit.com/r/Damnthatsinteresting/comments/1kidn4f/china_carpeted_an_extensive_mountain_...