QAZAQ GREEN. Қазақстандық Qazaq Green ЖЭК қауымдастығы, Profland күн электр станцияларына арналған қосалқы құрылымдар шығаратын компаниясы және IT Hub Terricon Valley биыл маусым айында Қарағандыда Energy Storage Systems Hackathon Kazakhstan 2023 энергия сақтау жүйелері бойынша хакатон өткізілетіні туралы хабарлады.

Хакатонның жүлде қоры - 1 000 000 теңге.

Қатысушылар энергияны сақтау жүйесі саласындағы: өнеркәсіптік және тұрмыстық өз жобаларын әзірлеп, оның іс жүзінде жүзеге асырыла алатындығын дәлелдеуі қажет. Сыйымдылығы 10-100+ МВт құрайтын өнеркәсіптік сақтау жүйелері электр энергиясын теңестіру үшін ірі электр станцияларында қолданылуы керек, ал сыйымдылығы 5-100 КВт болатын үй жүйелері елдегі электр энергиясын теңестіру үшін Smart Grid ретінде пайдаланыла алады.

Profland компаниясының директоры Артем Слесаренко тұжырымдама немесе прототип экономикалық тұрғыдан тиімді және пайдалы болуы керек деп атап өтті.

«Менің ойымша, энергияны сақтау жүйелерінің маңыздылығын барлығы түсінеді. Әсіресе, қазір су ресурстарына қатысты проблемалары бар Қазақстан үшін. Су ресурстарына қатысты мәселе бізде ғана емес, бүкіл әлемде де арта түседі. Сондықтан серпіліс болатынын күтуге болады. Немесе бұған атсалысуға тырысуға болады. Сондықтан мен бәріңізді шақырамын. 3 айлық дайындық, содан кейін 1-2 күн Хакатон», - деді Артем Слесаренко.

Әлемде энергияны сақтаудың түрлі технологиялары бар. Олардың барлығы түрлі кезеңдерде және өзіндік ерекшеліктері бар. Қазіргі уақытта олардың көпшілігі қымбат және тиімсіз.

«MW үшін 1 млн АҚШ доллары болатын жинақтаушылардың қазіргі шартты құны энергияға көшуге ықпал етпейді. Басқа нәрсе жасау керек. Біз энергетика саласындағы оқу орындары мен мамандарды командаларға бірігіп, өнеркәсіптік ауқымда коммерцияландыруға және енгізуге болатын тұжырымдамаларды әзірлеуге шақырамыз», – деді ол.

Хакатонға қатысушылар келесі мәселелерді шешу үшін жұмыс істеуі керек:

·        елдің энергетикалық қауіпсіздігі

·        экологияны жақсарту

·        көміртегі шығарындыларын азайту

·        қауіпсіз және қолжетімді электр энергиясы

Іс-шара жеңімпаздарына серіктестер мен инвесторларды тарту арқылы жобаларын коммерцияландыруда көмек көрсетіледі.

Үміткерлер мына сілтеме бойынша өтініш бере алады https://forms.gle/CEBajg8VRXdq2mtd6

Толығырақ ақпарат: https://taplink.cc/esshackaton
Қазақстан Президенті Қасым-Жомарт Тоқаев 2023 жылғы 2 ақпандағы № 121 Жарлығымен «Қазақстан Республикасының 2060 жылға дейінгі көміртегі бейтараптығына қол жеткізу стратегиясын» бекітті.

Қазақстан Париж келісіміне 2016 жылғы 2 тамызда қол қойып, оны 2016 жылғы 6 желтоқсанда ратификациялады. 2015 жылғы қыркүйекте Париж келісіміне ресми қол қойылғанға дейін Қазақстан БҰҰ-ның климаттың өзгеруі туралы негіздемелік конвенциясы шеңберінде өзінің ҰДАҮ ұсына отырып, оның мақсатына адалдығын көрсетті.