QAZAQ GREEN.  Орталық Азияның Еуразиялық Қоры (ОАЕҚ) мен FemAgora бастамасы әлеует арттыру бағдарламасы шегінде ханымдар басқаратын әйелдердің ұйымдары мен бастамаларын анықтап қолдауға бағытталған ашық конкурсқа өтінім қабылдай бастады. Өтінімдер 2024 жылғы 12 қаңтарға дейін қабылданады.

Ұйымдастырушылардың хабарламасына сәйкес, «Біздер, Орталық Азияның Еуразиялық Қоры (ОАЕҚ) мен FemAgora, Орталық Азияның төрт елінде, Қазақстанда, Қырғызстанда, Тәжікстанда және Өзбекстанда әйелдер басқаратын ұйымдар мен бастамалар арасында ашық конкурс өтіземіз. Өз ұжымының өсуіне, ұйымын нығайтуға, өңірінің азаматтық қоғамға қатысуына және әйелдер мен қыздардың құқықтары мен мүмкіндіктерін кеңейтуге олар тең сарапшылық, институционалдық, менторлық, жаттықтырушылық және қаржылық қолдауға, сондай-ақ тәжірибе алмасуға мүдделі болуы тиіс».

2024 жылғы наурыздан шілдеге дейінгі кезеңді қамтитын бағдарлама жақында пайда болған және қаржыландыру қиындықтарына тап болған 10 ұйым мен бастамашыл топқа қаржылық қолдауды ғана емес, сонымен қатар институционалдық дамуды да алуға бірегей мүмкіндік береді.

Келесі көрсеткіштерге сәйкес келетін ұйымдар қатысуға шақырылады:

▪ Әйелдер құрған және басқарған;

▪ Өз ұйымының институционалдық дамуына мүдделі;

▪ Өз қауымдастығының мүмкіндіктері мен құқықтарын кеңейтуге, сондай-ақ Қазақстан, Қырғызстан, Тәжікстан және/немесе Өзбекстан өңірлерінде әділеттілік пен адам құқықтарын қамтамасыз етуге бағытталған 5 жылға дейінгі жоба тарихының болуы;

▪ 50 000 долларға дейінгі ағымдағы жылдық бюджетінің болуы.

Өтінімдер 2024 жылғы 12 қаңтарға дейін қабылданады. Бұл бастама өз ұйымдарының орнықты дамуына және Орталық Азия өңіріндегі қоғамдық процестерге оң әсер етуге ұмтылатын көшбасшы әйелдерді қолдауға және оларға жәрдемдесуге бағытталған.

Өтінімдерді осы жерден толтыруға болады.