QAZAQ GREEN. Қазақстанда көмір генерациясының үлесі жаңартылатын және баламалы энергия көздерін, сондай-ақ газ генерациясын енгізу есебінен азаяды. Бұл туралы 16 қаңтарда Үкімет отырысында энергетика министрі Алмасадам Сәтқалиев хабарлады.

«Электр энергетикасы саласын дамыту жөніндегі іс-шаралар жоспарын табысты іске асыру кезінде 2035 жылға қарай отын түрлері бойынша белгіленген қуаттың құрылымы келесідей қалыптасады:

- ЖЭК – 24,4 %

- ГЭС – 10,8 %

- Газ – 25,8 %

- Көмір – 34,3%

- АЭС – 4,7 %», – деді министр.

Оның айтуынша, электр энергиясын тұтыну көлеміндегі көмір генерациясы үлесінің айтарлықтай төмендеуі жаңартылатын, баламалы энергия көздерін енгізу және газ генерациясы есебінен қамтамасыз етіледі.

«Сол арқылы 2035 жылға қарай көміртекті офсетке жылына 44 млн. тн СО2 деңгейінде қол жеткізу жоспарлануда», – деп атап өтті Алмасадам Сәтқалиев.

Бүгінгі күні Қазақстанда 220 электр станциясы жұмыс істейді, оның 144-і жалпы қуаты 2,8 ГВт жаңартылатын энергия объектілері болып табылады. Өткен жылы жалпы қуаты 495,6 МВт болатын 16 жаңа ЖЭК нысаны қосылды.